Keimon lidoun ariñahani

Keimon lidoun libiaman menú

Keimon lidoun tila

Gefentiña luagu Heowá

Garifuna

Le lunbei ladügǘniwa lidan adamuridaguni Habagari Kristiánugu luma Heseriwidun  |  Widü-hati irumu 2016

 WABAGARI KEISI KRISTIÁNUGU

Buidutimalá wadügüni katei: Íderagua humaña aturiahatiña Bíbülia ederegeragua houngua lun Bungiu badisei hagíame

Buidutimalá wadügüni katei: Íderagua humaña aturiahatiña Bíbülia ederegeragua houngua lun Bungiu badisei hagíame

KA UAGU SÚDINI LUBÉI? Lun gunda lan Heowá hau aturiahatiña Bíbülia, mosu hederegeragun houngua lun badisei hagíame (1 Fe 3:21). Góunigi lumutiña Heowá kristiánugu ha abagaridubaña úaragu luma ederegeraguni unguaü le hadügübei lun (Sal 91:1, 2). Lun Heowá hederegeragua houngua, mama lun wadagimanu o tun somu óundaruni. Ligíati mosu lubéi línsiñedun Heowá houn aturiahatiña Bíbülia inebe ligíame houn (Rom 14:7, 8).

LE LUNBEI LADÜGǗNIWA:

  • Danme le haturiahan, akutiha huméi ka lan larufudahabei ariñahani ligía hun luagu Bungiu. Águyuguagüda huméi lun aturiahati súdini lan laliihanu Bíbülia sagü weyu, furíei ligíame lun Heowá “sun dan” (1 Tesa 5:17; Sant 4:8).

  • Ínchaha huméi gürigia le aturiahabarun Bíbülia huma abusenra lederegeragun lungua lun Heowá badisei ligíame. Íderagua huméi giñe lun láfaagun luagu amu burí katei, kéiburi líchugun óunabagülei lidan adamuridaguni o lapurichihan houn lubesinanigu o lupaanágu lidan wadagimanu. Gabaroun huméi mafosu lan Heowá ni aban lun leseriwidun lun ani gürigia lan desidírübei anhein lederegeraguba lubéi lungua lun Bungiu (2 Lur 30:19, 20).

  • Ínchaha huméi aturiahati lun ladügün asansiruni lidan libagari gayara láamuga lagundaarun Heowá lau áfaagua ligíame lun lagunfulirun lau le mégeiwabei lun labadiseirún (Ari 27:11). Kei anihein lubéi igaburi luma échuni le güreweiti ligirúniwa, háfuga mégeibei aturiahati hasigirun íderaguei lun lígiruni binadu ligaburi luma lun láyeihan aban iseri (Efe 4:22-24). Arufuda humá fiu lídangiñe arütíkulu le gíribei “Sansi tumuti Bíbülia habagari” le burí áfuridubei tidan Garüdia Awisahatu lun.

  • Abahüdagua huméi lun aturiahati ka burí lan katei barühalibei saragu ugundani hun lidan heseriwidun lun Heowá (Isa 48:17, 18).