Keimon lidoun ariñahani

Keimon lidoun libiaman menú

Keimon lidoun tila

Gefentiña luagu Heowá

Garifuna

Le lunbei ladügǘniwa lidan adamuridaguni Habagari Kristiánugu luma Heseriwidun  |  Ǘrüwa-hati irumu 2017

 WABAGARI KEISI KRISTIÁNUGU

Ida luba wayusurunu garüdia Kátaña san adügübalin lugundan Heowá uguñe weyu?

Ida luba wayusurunu garüdia Kátaña san adügübalin lugundan Heowá uguñe weyu?

Adügǘwatu garüdia Kátaña san adügübalin lugundan Heowá uguñe weyu? lun takutihóun hama aturiahatiña Bíbülia lubaragiñe o lárigiñe lichugún aturiahani houn. * Afuranguagüda lumuti leksióun 1 darí 4 kátawa lan, wagía gefentiña luagu Heowá; ayanuhati leksióun 5 darí 14 luagu wawadigimari, ánheinti leksióun 15 darí 28 layanuhaña tuagu wóundarun. Liibe-agei dan, buítimati lakutihóun kada leksióun aban lárigi aban, ánheingubeirügü abusenra aturiahati lakutihan amu leksióun. Hama hiibe-agei aturiahatiña, gayaraati lakutihóun kada leksióun lídanrügü seingü o diisi minutu lugundun ábanrügüñein páhina limigifen.

  • Írida huméi álügüdahani le lídanbei liri leksióun.

  • Aliiha huméi leksióun úara, lúmagiñe lagumeseha darí lagumuchun o lidan burí fánreinti.

  • Ayanuha humá luagu le haliihabei. Adüga huméi álügüdahani burí le áfuachubei lidoun lagumuchagüle kada leksióun akutiha humounme iyawaü. Aliiha huméi ani akutiha humeime bérusu burí le mégeiwabei. Afuranguagüda huméi ounabúa lan álügüdahani le lídanbei liri leksióun lidan burí subtítulu le laubei létüra wuritimati.

  • Anhein anihein lubéi rekuáduru “lun laganwoundun hisubudin” lidan leksióun, aliiha huméi ani ínchaha huméi aturiahati lun lafalaruni adundehani le ñeinbei.

^ par. 3 Anihein asansiruni le iseritimagilibei tidan garüdia to tídanboun konputadora o gágamuru.