Keimon lidoun ariñahani

Keimon lidoun libiaman menú

Keimon lidoun tila

Gefentiña luagu Heowá

Garifuna

Le lunbei ladügǘniwa lidan adamuridaguni Habagari Kristiánugu luma Heseriwidun  |  Ǘrüwa-hati irumu 2016

 ARUFUDAHANI GEBEGITI TÍDANGIÑETI BÍBÜLIA | HOBU 6-10

Lariñaguni Hobu tigarigu lanigi

Lariñaguni Hobu tigarigu lanigi

Lau sun meha féridi laali lan Hobu sun lúmati, lasufuriruña lan ladüga hóunwegun lirahüñü hama lubúeingu, weiri ligía lisandi, sigiti meha óusera lau úaraguni lun Bungiu. Ligía lóuchunbei Satanási ladügün lun lagarabaagun Hobu luagun Bungiu lau ladügün lúntima leferidiruni luguraasun. Aba hachülürün ǘrüwa wügüriña ha ariñagubaña hawougua lumadagu lan ani aba hóuserun kamá hamuga gáriti le lásügürübei houn, gama lumoun sügütiña sedü weyu ñun mariñagunga ni kata, míchugunga ni murusun gurasu lun. Lárigiñe, aba hagumeserun óuseraguei lau hererun.

Meredeti lóuserun Hobu lau úaraguni lun Heowá lau sun súfuri lan saragu lénrengunga

6:3; 7:16; 9:20-22; 10:1, 12

  • Wéiriti meha lasufurirun Hobu darí lun lagumeserun asaminara katei le mítaranti. Kéiburi dan le lasaminarunbei meberesen lan Bungiu anhein gaganbadi o maganbadi lubéi lun.

  • Kei meha siñá lubéi lun, aba labulieiduni gayara lan lúmagiñe lan amu liabin sun lasufurirun.

  • Lau sun meha weiri lan íruni le luágubei Hobu, ariñaga lumuti houn ha íchugubaña lidurun weiri lan línsiñe Heowá lun.