Keimon lidoun ariñahani

Keimon lidoun libiaman menú

Keimon lidoun tila

Gefentiña luagu Heowá

Garifuna

Le lunbei ladügǘniwa lidan adamuridaguni Habagari Kristiánugu luma Heseriwidun  |  Unsu-hati irumu 2016

 WABAGARI KEISI KRISTIÁNUGU

Nibureinti, beluba lídangiñe bena le wéiribei; mígirabei lubá amu dan

Nibureinti, beluba lídangiñe bena le wéiribei; mígirabei lubá amu dan

Ménrengunti wasaminarun nibureinñu waba lan súnwandan ani machülübei lan lidaani “lénrengunga” o aweiyaduni woun lidan ubóu le (Apur 12:1). Anhein nibureingidibu lubéi, saminatibu san gíbegili lan dan bubá lun baganwoundagüdüni beseriwidun, kéiburi lun beseriwidun lidan dan dayarüti?

Gayarati lasuseredun furumiñeguarügü katei houn sun gürigia lidan furumiñeguarügü oura, íbini houn nibureintiña (Apur 9:11TNM). Ani ibidiñeti ni ka un “kaba lan asusereda haruga” (Sant 4:14). Ligíati, mígirabei le babusenrubei badügün guentó lidan beseriwidun lun Heowá lubá amu dan. Beluba lídangiñe óunwenbu ‘bena le lánina eseriwidúni’ lau gachansingidibu lan lun badügüni (1 Ko 16:9). Masakürihanbadibu.

Katei le gayarabei badügüni lidan beseriwidun lun Bungiu:

  • Bapurichihan lidan amu iñeñein.

  • Beseriwidun kei prekursoru.

  • Bidin tidan somu leskuela tidan lóundarun Heowá.

  • Bídehan lidan tábunawagun Luban Adamuridaguni o Adamurini.

  • Beseriwidun Betelirugu.

  • Beseriwidun keisi óunigiruti sirkuitu.

Le nasaminarubei nadügün: