Keimon lidoun ariñahani

Keimon lidoun libiaman menú

Keimon lidoun tila

Gefentiña luagu Heowá

Garifuna

Le lunbei ladügǘniwa lidan adamuridaguni Habagari Kristiánugu luma Heseriwidun  |  Seingü-hati irumu 2016

 WABAGARI KEISI KRISTIÁNUGU

Ligaburi layusurún JW Library

Ligaburi layusurún JW Library

LUN LATURIAHÓUN:

  • Aliiha humóun Bíbülia luma bérusu le lánina sagü weyu.

  • Aliiha humóun Anuario, Garüdia Awisahatu, ¡Despertad! tuma amu burí agumeiraguagüdüni. Yusu huméi “Marcadores”.

  • Aturiaha huméi ariñahani le lunbei lakutihóun lidan adamuridaguni ani makü huméi óunabagülei.

  • Ariha humá burí bidéu.

LIDAN ADAMURIDAGUNI:

  • Áluaha huméi burí bérusu tídangiñeti Bíbülia le líridubei íchuguti yanu. Yusu huméi “Historial” lun hagiribudun lidoun somu bérusu le aliiha humaali.

  • Lubaragiñe hóuyuahan tau saragu líburu, yusu huméi JW Library lun haliihani ariñahani le akutihóubei lidan adamuridaguni luma lun heremuhan. Aniheinhali iseri burí uremu le úagilibei tidan líburu lánina eremuhani lidan.

LUN APURICHIHANI:

  • Anhaün adarira aban gürigia le busenti lafurendeirun, arufuda humá somu ariñahani lun lídangiñe JW Library, íderagua humeime arariragüdei programa le tuma somu agumeiraguagüdüni lidoun ligagamurun o tidoun likonputadoran.

  • Yusu huméi “Buscar” lun háluahan aban bérusu tídangiñeti Bíbülia láurügü habürüdün aban o lóugiñe aban dimurei.

  • Arufuda humá aban bidéu. Anhein gasaanigu lubéi gürigia, gayaraati harufudun aban lídangiñe bidéu Lumadabá Heowá. Gayaraati giñe harufuduni bidéu Ka uagu lunti lubéi haturiahanu Bíbülia? lun ínchaha humaamugei lun lagumeserun aturiahoun Bíbülia. Anhein amu lubéi liñeñe huéi, áluaha humá burí bidéu lun lidan liñeñe.

  • Arufuda humá aban bérusu tídangiñeti Bíbülia lun somu gürigia lidan aban iñeñein le rarigüda humaali. Áluaha huméi bérusu, bagǘ humá luagu númeru le habusenrunbei, ábameti habagüchün luagu budún le arufudubalin bérusumeme ligía tidan amu burí Bíbülia.