Keimon lidoun ariñahani

Keimon lidoun libiaman menú

Keimon lidoun tila

Gefentiña luagu Heowá

Garifuna

Le lunbei ladügǘniwa lidan adamuridaguni Habagari Kristiánugu luma Heseriwidun  |  Nefu-hati irumu 2016

 WABAGARI KEISI KRISTIÁNUGU

Dan le leresibiruniwa aban irahü

Dan le leresibiruniwa aban irahü

Ánhawa lóunaba aban irahü dan le wadaünhan luagu bena, álügüda wamá hawagu lagübürigu, ladüga ítara luba warufudun inebe lan halurudun woun (Ari 6:20). Ánhawa lamisuraha irahü ligía lun webelurun, moun lumuti wánharun. Anhein siñá lubéi hetenirun lagübürigu woun, giribuya wamá lidan amu ókaasion.

Íbini wéiriaraühali lan irahü ligía, buítimati lun wálügüdahan hawagu lagübürigu. Anhein siñá lubéi hetenirun woun, álügüda waméi anhein ígira habalin lun lanúadahan kaba lan laliiha. Anhein ariñaga anha, gayarati wíchugun somu agumeiraguagüdüni lun ani ariñaga wagíame lun gayara lan lebelurun lidoun jw.org.

Danme le wagiribudun abisidahei aban nibureinti le meha arufudubei busén lan lasigirun afurendeira, ariñaga wamá lun busén wamá wasubudiruniña lagübürigu. Ítara luba gayara lan wafuranguagüdüni houn ka lan lébunabei wachülürün hábiñoun ani ayanuha wagíame hama luagu lubuidun adundehani le tíchugubei Bíbülia houn iduheñu (Sal 119:86, 138). Warufudun inebesei houn lagübürigu ladügüba lun buidu lan hayanuhan wawagu ani líchuguba chansi woun lun wayanuhan luagu uganu buiti houn sun iduheñu lidan amu ókaasion (1 Fe 2:12).