Keimon lidoun ariñahani

Keimon lidoun libiaman menú

Keimon lidoun tila

Gefentiña luagu Heowá

Garifuna

Le lunbei ladügǘniwa lidan adamuridaguni Habagari Kristiánugu luma Heseriwidun  |  Nefu-hati irumu 2016

 WABAGARI KEISI KRISTIÁNUGU

Buidutimalá hadügüni katei: amisuraha humaña gürigia ha arufudubaña busén hamá hasigirun afurendeira lidoun adamuridaguni

Buidutimalá hadügüni katei: amisuraha humaña gürigia ha arufudubaña busén hamá hasigirun afurendeira lidoun adamuridaguni

KA UAGU SÚDINI LUBÉI?: Ruti adamuridaguni chansi woun lun weremuhan lun Heowá luma lun walawahani sagü dimaasu (Sal 149:1). Furendeitiwa giñe adügei lugundan (Sal 143:10). Gürigia ha arufudubaña busén hamá hasigirun afurendeira hama aturiahatiña Bíbülia furesetimati hawanserun dan le hagumeserun adamuridagua.

LE LUNBEI LADÜGǗNIWA:

  • Amisuraha huméi gürigia lau lóufudagun. Mama mosu aban lan aturiahati Bíbülia gürigia ligía lun hamisurahani (Aruf 22:17).

  • Afuranguagüda huméi lun gürigia ligía ida liña lan wadamuridagun ani ayanuha humá luma luagu kaba lan uagu layanuhóua lidan le aban adamuridaguni. Gayarati hayusurunu amisuragülei lubá adamuridaguni, bidéu Ka adügǘbei lidan wadamuridagun? luma leksióun 5 darí 7 tídangiñe garüdia Lugundan Heowá.

  • Íderagua huméi. Kei hénpulu, mégeiti san ugunei o ídemuei lun lanúadirunu ladaüragun? Lidan adamuridaguni, ñurú humá lóubagiñe ani furedei humóun hani agumeiraguagüdüni lun. Arufuda humaña amu lílana damuriguaü lun.