Keimon lidoun ariñahani

Keimon lidoun libiaman menú

Keimon lidoun tila

Gefentiña luagu Heowá

Garifuna

Le lunbei ladügǘniwa lidan adamuridaguni Habagari Kristiánugu luma Heseriwidun  |  Nefu-hati irumu 2016

 WABAGARI KEISI KRISTIÁNUGU

Madüga huméi le danme le híchugun aturiahani tídangiñeti Bíbülia

Madüga huméi le danme le híchugun aturiahani tídangiñeti Bíbülia
SANSIWALÁ LARIHÍN
Text
Image

Mayanuha humá saragu. Masaminara humá mosu lan hafuranguagüdüni sun katei. Adügati meha Hesusu álügüdahani lun líderaguniña gürigia adarirei óunabagülei le richabei (Mat 17:24-27). Adügati álügüdahani lun gayara lan hayanuhan biángubei ani ruti chansi hun lun harihini ka lan lisaminanbei aturiahati luma anhein gunfuranda lubalin ariñahani (be-S páh. 253 pár. 3, 4). Danme le hadügün aban álügüdahani, gaguraasun humá ani agurabaha humá lun lóunabun aturiahati. Anhein ibidiñe lubéi óunabagülei lun, adügarügü humá amu álügüdahani lun lun híderaguni lun lachülürün lidoun óunabagülei le buídubei (be-S páh. 238 pár. 1, 2). Ayanuha humá lidan aban igaburi le ídanbei gayara lan gunfuranda lani aturiahati iseri ariñahani le híchugubei lun (be-S páh. 230 pár. 4).

Madüga humá lun hénrengu lan gunfurandawa lan ariñahani. Ragügua humá hungua lun mariñagun humani sun le hasubudirubei (Huan 16:12). Ayanuha humá luágurügü puntu le méinitimabei lidan párafu (be-S páh. 226 pár. 4, 5). Híchugun saragu ariñahani, íbini súdini lan, adügati lun leferidirun puntu le súdinitimabei (be-S páh. 235 pár. 3). Anhein gunfuranda laali lubéi aturiahati puntu le súdinitimabei, sigí humá lidoun le aban párafu.

Metenira humá lúnrügü haliihani ariñahani. Busentiwa wachülürün tidoun hanigi gürigia, mama lun aliiharügü wamani ariñahani (Luk 24:32). Yusu huméi tubafu Lererun Bungiu lau haliihani bérusu le méinitimabei lidan leksióun (2 Ko 10:4; Ebü 4:12; be-S páh. 144 pár. 1-3). Yusu humá hénpulu le ménrengunti gunfurandawa lan (be-S páh. 245 pár. 2-4). Teni humá lun burí lénrengunga le úmabei lagagibudagua kada aturiahati luma lun lafiñen, ani aranseha huméi le lunbei haturiahani según lemegeirun aturiahati. Adüga huméi álügüdahani burí le lun: “Ka bisaminanbei luagun le bafurendeirubei uguñe? Ka larufudahabei woun luagu Heowá? Ka buiti gayarabei basagaruni lídangiñe basigiruni adundehani burí le?” (be-S páh. 238 pár. 3-5; páh. 259 pár. 1).