Keimon lidoun ariñahani

Keimon lidoun libiaman menú

Keimon lidoun tila

Gefentiña luagu Heowá

Garifuna

Le lunbei ladügǘniwa lidan adamuridaguni Habagari Kristiánugu luma Heseriwidun  |  Gádürü-hati irumu 2017

 WABAGARI KEISI KRISTIÁNUGU

Ru humá buiti achülürüni houn

Ru humá buiti achülürüni houn

Kaba un wíchiga buiti achülürüni? Houn sun ha achülürütiña lidoun wadamuridagun, ha lan yebe iseri warihin o ha lüha wasubudiruniña (Rom 15:7; Ebü 13:2). Háfuga aban lan íbiri le achülürüti bisidawa lídangiñe amu ageiraü o aban lan kristiánu le achülürüti luagu furumiñeti wéiyaasu lárigiñe madamuridagun lan mapurichihan ligía luagu saragu irumu. Lun hamuga huguya lan ligía, ma buídubei hamuga hasandiragun hungua anhaün eresibirúa lau ínsiñehabuni? (Mat 7:12). Ligía buidu lubéi wáfaagun lun wabusuragun houn sun achülürütiña tidoun Luban Wadamuridagun dandu lubaragiñe lagumeserun adamuridaguni kei lárigiñe. Lídehaba lira lun buidu lan hasandiragun súngubei houngua luma lun ñein lan saragu ínsiñeni wadan, ítarati wíchuguba uéiriguni lun Heowá (Mat 5:16). Le linarün katei, gayaraati siñabei lan wayanuhan hama sun achülürütiña. Gama lumoun, ánhaña íchiga súngubei luéigiñe hóubadina, hasandiruba súngubei resibiwa hamá buidu. *

Dan le inarüni lan geresibiradi wamá houn amu arufuda wamuti sun dan, mámarügü lidan ókaasion espechaliti kéiburi lidan lidaani Aritaguagülei. Dan le hasandiruni ha achülürütiña luagu furumiñeti wéiyaasu ínsiñeni le hádanbei kristiánugu, gayaraabei línchahaniña lun halawahani Bungiu luma lun hóundarun wama lidoun áhuduraguni inarüniti (Huan 13:35).

^ par. 3 Arufudati adundehani méiniti le tídanbei Bíbülia moun lumuti lan wabusuragun houn ha achülürütiña lidoun wadamuridagun anhein bugawaaña lubéi o ariñagaaña mabusenrunhaña lan lílana hamá damuriguaü (1 Ko 5:11; 2 Huan 10).