Keimon lidoun ariñahani

Keimon lidoun libiaman menú

Keimon lidoun tila

Gefentiña luagu Heowá

Garifuna

Le lunbei ladügǘniwa lidan adamuridaguni Habagari Kristiánugu luma Heseriwidun  |  Gádürü-hati irumu 2017

 WABAGARI KEISI KRISTIÁNUGU

Ruti uremu lánina lalawahóun Heowá ganigi woun

Ruti uremu lánina lalawahóun Heowá ganigi woun

Dan meha furisunruguñein lubéi Pábulu luma Sílasi, eremuhatiña lun halawahani Heowá (Adü 16:25). Lidan wadaani, eremuhatiña meha giñe kristiánugu ha adaürǘbaña lidan fulasu Yámanina le gíribei Sachsenhausen lun halawahani Heowá, adüga hamuti giñe wíbirigu ha asagarúbaña hageiragiñe lun hounahóun Siberioun ligiaméme. Arufudati hénpulu burí le gabafu lan uremu lun líchugun dǘgüdaguaü houn kristiánugu dan le hagagibudagun luma lénrengunga.

Málüharu iseri líburu lánina uremu to gíriboun Cantemos con gozo a Jehová áfurida lidan saragu iñeñein. Gayaraati wafurendeiruni uremu burí le wámabei, asayaha wameime lidan wáhuduragun lun Bungiu hama waduheñu (Efe 5:19). Ítarati, danme wagagibudagun luma lénrengunga, líderagubadiwa sífiri sandu aritaguei liletüran. Íderagua lumutiwa uremu lánina lalawahóun Heowá lun wíchuguni wasaminan luagun wemenigin. Ruti erei woun dan le wásügürüña lan lídangiñe lénrengunga. Danme buidu lan wasandiragun woungua, línchahabadiwa létüra gíchigaditi gurasu le lun weremuhan lun Heowá lau ugundani le tídanbei wanigi (1 Kro 15:16; Sal 33:1-3). Sagá waméi sun buiti le wayaraati tídangiñe líburu lánina lalawahóun Heowá to!

ARIHA HUMÉI BIDÉU UNA CANCION QUE ROMPIÓ LAS CADENAS ÁBAMETI HÓUNABUNI ÁLÜGÜDAHANI BURÍ LE:

  • Ka sügǘ anügübalin íbiri Frost abürüda aban uremu?

  • Ida liña líchugun uremu le dǘgüdaguaü houn íbirigu ha meha adaürǘbaña Sachsenhausen?

  • Ka burí sügǘ lánina sagü weyu ídanbei gayara lan líchugun uremu lánina lalawahóun Heowá erei hun?

  • Ka burí uremu lánina lalawahóun Heowá habusenrunbei hafurendeirun?