Sagü irumu, chülütiña saragu kristiánugu ha mapurichihánhaña madamuridagun hagía lidoun Aritaguagülei. Lau sun gumese hamá meha éibaagua lidan lémeri ibagari, gumesetiña ahamaruha ladüga saragu resun kéiburi le iridúbei tidan garüdia Jehová desea que vuelva (Ebü 12:1). Gama lumoun, wéirimemegili hebegi kristiánugu ha lun Heowá, lugundun agañeiha laaña lau guánarügü lita Liráü (Adü 20:28; 1 Fe 1:18, 19). Ka gayaraabei wadügün lun wíderaguniña agiribuda lidoun damuriguaü?

Hóuchatiña wéiyaaña lidan afiñeni hayanuhan hama íbirigu ha mapurichihánhaña madamuridagun lun híderaguniña, ítara kei ladügüni hóuniri mudún sun liyaraati lun láluahaniña mudún ha adisedubaña hawéi ha híbiri (Luk 15:4-7). Arufuda lumuti lira lueirin línsiñehabu Heowá (Her 23:3, 4). Mámarügüñanu wéiyaaña lidan afiñeni gayara híchugun dǘgüdaguaü houn íbirigu ha; sun wagía gayaraati wíderaguniña. Gúndaabei Heowá lau sun áfaaguni le wadügün lun warufudun areini luma ínsiñeni houn íbirigu ha ani labinirubei (Ari 19:17; Adü 20:35). Ligíati, samina humá luagu somu íbiri le unbei gayara lan híchugun dǘgüdaguaü ani adüga huméi lau lóufudagun.

ARIHA HUMÉI BIDÉU ANIMEMOS A LOS INACTIVOS, LÁRIGIÑE, AKUTIHA HUMÉI ÁLÜGÜDAHANI BURÍ LE:

  • Ka tadügübei Abbey dan le tasubudirúnbei aban íbiri to mapurichihánharu madamuridagun?

  • Ka uagu mosu lubéi wayanuhan hama wéiyaaña lidan afiñeni anhein wasaminaruña lubéi wíderagun somu íbiri le mapurichihánhali madamuridagun?

  • Ida liña taranserun Abbey lubaragiñe tidin arihoun Laura luagu libiaman wéiyaasu?

  • Ka tadügübei Abbey lun tarufudun gaguraasuni, ínsiñeni ani mararamagun tan lidan táfaagun lun tíderagunu Laura?

  • Ka wafurendeirubei lídangiñe hénpulu le labahüdagubei Hesusu lidan Lúkasi 15:8-10?

  • Ka burí abinirúni heresibirubei súngubei luagu áfaaguni le hadügübei lun híderagunu Laura?