Adüga lumuti Heowá maríei lun lawinwandun wügüri tuma würi hámagua lun sun habagari (Agu 2:22-24). Gayaraati hígiragun ánheingubeirügü adügaali lubéi aban hádangiñe magíaguni (Mal 2:16; Mat 19:9). Kei busén lubéi Heowá lun gunda hamá maríeitiña, rúhali adundehani le gayaraabei líderaguniña kristiánugu anúadirei lau lichú aau kaba lan uma hamarieida luma le lunbei hadügüni lun gúndaameme lan habagari keisi maríeitiña (Apur 5:4-6).

ARIHA HUMÉI BIDÉU ¿CÓMO SABES SI ES AMOR?, ÁBAMETI HÓUNABUNI ÁLÜGÜDAHANI BURÍ LE:

  • Ka uagu buidu lubéi ani hínsiñehabu ligía adundehani le líchugubei Frank tuma Bonnie tun Laura, to hasaani?

  • Ka uagu beyeedaguña lubéi bungua lau basaminarun gayara lan basansiruni tigaburi o ligaburi badari?

  • Ka lubuidun adundehani líchugubei Paul tuma Priscila tun Laura?

  • Ka uagu liábingua turobuli lun Daniel tuma Melisa lidoun habagari keisi maríeitiña?

  • Ka meha uagu láfaagua dandu Alan kei Laura lidan heseriwidun lun Heowá?

  • Ka uagu lunti lubéi basubudiruni ídatima liña lan gürigia tidan lanigi lubaragiñe bamarieidun luma? (1 Fe 3:4).

  • Ka ínsiñenibei inarüniti? (1 Ko 13:4-8).