Keimon lidoun ariñahani

Keimon lidoun libiaman menú

Keimon lidoun tila

Gefentiña luagu Heowá

Garifuna

Le lunbei ladügǘniwa lidan adamuridaguni Habagari Kristiánugu luma Heseriwidun  |  Duusu-hati irumu 2016

 WABAGARI KEISI KRISTIÁNUGU

Yusu humóun líburu “Redei humá lidan línsiñehabu Bungiu” lun hachülürün tidoun lanigi gürigia

Yusu humóun líburu “Redei humá lidan línsiñehabu Bungiu” lun hachülürün tidoun lanigi gürigia

KA UAGU SÚDINI LUBÉI? Mosu hasubudiruni gürigia lugumadin Heowá gúnfuli hagíame lau lun lagundaarun lau háhuduragun lun (Isa 2:3, 4). Adügǘwatu líburu “Línsiñehabu Bungiu”, tibiaman líburu to waturiahaboun hama gürigia, lun tíderaguniña gunfurandei ida luba lan hafalaruni adundehani méiniti le tídanbei Bíbülia lidan habagari sagü weyu (Ebü 5:14). Mosu wáfaagun lun wachülürün tidoun hanigi aturiahatiña lun danme lan hadügün asansiruni lidan habagari, lun hadügüni luagu resun le richabei (Rom 6:17).

LE LUNBEI LADÜGǗNIWA:

  • Aranse humá buidu. Gabaroun huméi le lemegeirubei aturiahati. Álügüda huméi ka lan lasaminarubei luagu le laturiahabei subudi humaamugei ka lan lídanbei lisaminan luma ka lan lasandirubei (Ari 20:5; be-S páh. 259).

  • Yusu huméi burí kuáduru le tídanbei líburu lun híderaguni aturiahati íchiga fe buidu lan lafalarúniwa adundehani méiniti le tídanbei Bíbülia.

  • Íderagua huméi aturiahati asaminara luagun burí katei le lunbei desidírü lani según laritagun, ani ualá desidírü humá luagu (Gal 6:5).

  • Teni humá lau inebesei lun aturiahati ariha humaamugei anhein megei lubéi ídemuei lun lafalarun somu adundehani méiniti tídangiñeti Bíbülia. Ani lau gamadóuni, ínchaha huméi lun ladügüni asansiruni le mégeiwabei ladüga ínsiñeni le lasandirubei luagu Heowá (Ari 27:11; Huan 14:31).