Keimon lidoun ariñahani

Keimon lidoun libiaman menú

Keimon lidoun tila

Gefentiña luagu Heowá

Garifuna

Le lunbei ladügǘniwa lidan adamuridaguni Habagari Kristiánugu luma Heseriwidun  |  Duusu-hati irumu 2016

 WABAGARI KEISI KRISTIÁNUGU

“Anahán, óunahabana”

“Anahán, óunahabana”

Gadünati lun wáyeihani hénpulu le líchugubei Isaíasi. Arufuda lumuti lafiñen ani ñǘdünti lidoun fulasu le ídanbei mégeiwa lan lau sun meha úagili lan sun ariñahani luma (Isa 6:8). Gayaraati san hadügün somu aransehani lidan hibagari lun hidin eseriwida úara hama hiduheñu ñein lumuti mégeiwa hamá apurichihatiña Larúeihan Bungiu? (Sal 110:3). Inarüni mosu lan hasaminaruni buidu lubaragiñe hadügüni lira (Luk 14:27, 28). Íbini ítara, mosu aranseñu wamá lun wadügün sákürifisiu lun wapurichihani uganu buiti (Mat 8:20; Mar 10:28-30). Kei larufudúniwa lidan bidéu Nos mudamos para ayudar en otro lugar, gíbetimati abinirúni weresibirun dan le weseriwidun lun Heowá sügǘ lau sákürifisiu le wadügübei.

LÁRIGIÑE HARIHINI BIDÉU, ÓUNABA HUMÉI ÁLÜGÜDAHANI BURÍ LE:

  • Ka burí sákürifisiu hadügübei íbirigu Williams lun heseriwidun Ekuadóru?

  • Ka burí katei gabaroun habéi dan le desidírü habalin halíaba lan heseriwida?

  • Ka burí abinirúni heresibirubei?

  • Halíaba wadarira lanwoun ariñahani libügürü leseriwidúniwa le ñein lumuti mégeiwa hamá apurichihatiña?

DÁNMEYA HÁHUDURAGUN KEISI IDUHEÑU, AKUTIHA HUMÉI ÁLÜGÜDAHANI BURÍ LE:

  • Ka gayaraabei wadügüni keisi iduheñu lun waganwoundagüdüni wapurichihan? (km 8/11 páh. 4-6).

  • Anhein siñá lubéi wáguyun lidoun amu fulasu, ka gayaraabei wadügüni lúntima wídehan lidan damuriguaü le ñein wabéi? (w16.03 páh. 3 darí 5).