Aban idewesei le wéiriti lebegi ibagari. Arufuda wamuti gebegi lan woun lau ligaburi wanügüni. Yusu hamuti sun gefentiña luagu Heowá habafu luma iarani le hawagubei lun híchugun uéiriguni lun Heowá, le Íchugubei ibagari (Sal 36:9; Aruf 4:11). Gama lumoun, adügati idiheri le lánina sagü weyu le líchugubei lagübüri ubóu le woun lun hénrengu lan woun wíchuguni weseriwidun lun Heowá lidan furumiñeti lúgaaru (Mar 4:18, 19). Ligía lunti lubéi wálügüdagun woungua: “Níchuguñein san le buídutimabei numa lun Heowá? (Ose 14:2). Adügati san nuadigimari o furendei le nasagarubei lun labuidurun numadagua luma Heowá o gádeirügü lumuti? Ka nabuserunbei nadügün lidan neseriwidun lun Heowá? Ida luba naganwoundagüdüni neseriwidun lun Bungiu?”. Anhein hariha gayara lan haganwoundagüdüni heseriwidun lun Heowá, amuriaha humá luma lun líderagunün ani adüga huméi asansiruni le mégeiwabei. Le linarün katei: wéiriti ugundani le wasandirubei lau walawahani Heowá sagü weyu (Sal 61:8).

Ka idan hayusurei ubafu o iarani le huágubei?

ARIHA HUMÉI BIDÉU USA TU TALENTO PARA JEHOVÁ, ÁBAMETI HÓUNABUNI ÁLÜGÜDAHANI LE:

  • Ka uagu mabuidun lubéi wayusuruni wabafu o iarani le wawagubei lidan ubóu le lábugiñebei lubafu Satanási? (1 Huan 2:17).

  • Ka abinirúni habihubei ha íchugubalin le buídutimabei hama lun Heowá?

  • Ka eseriwiduni sagüráuti ídanbei habusenra hayusuruni hubafu o iarani le huágubei?