Keimon lidoun ariñahani

Keimon lidoun libiaman menú

Keimon lidoun tila

Gefentiña luagu Heowá

Garifuna

Le lunbei ladügǘniwa lidan adamuridaguni Habagari Kristiánugu luma Heseriwidun  |  Bián-hati irumu 2017

 WABAGARI KEISI KRISTIÁNUGU

Yusu wamóun agumeiraguagüdüni tídangiñetu Bíbülia buidu

Yusu wamóun agumeiraguagüdüni tídangiñetu Bíbülia buidu

Arufudahati Hesusu: “Mafayeihantün lun hibihini [...], maguburaha humá giñe luagu” (Mat 10:8). Gaganbaditiwa lun adundehani le lau maguburahan wamaniña gürigia tuagu Bíbülia o agumeiraguagüdüni tídangiñetu Bíbülia to wíchuguboun houn (2 Ko 2:17). Gama lumoun, wéiriti lebegi inarüni tídangiñeti Lererun Bungiu le tídanbei agumeiraguagüdüni burí to. Gíbeti wadagimanu adügǘti, yúsuwa ligía saragu seinsu lun imprimírua tan luma lun tounahóun lidoun burí damuriguaü le lídanbei sun ubóu. Ligía lunti lubéi wárügüdünu tórügü wemegeiruboun.

Yusu humá lichú aau danme híchugun agumeiraguagüdüni houn gürigia, íbini dan le hapurichihaña lan lidan guririguaü (Mat 7:6). Lubaragiñe hederegerun agumeiraguagüdüni houn sun ásügürütiña houcha humá hayanuhan luma gürigia lun harihini anhein busén lubéi lafurendeirun. Samina humá anhein gayara lubéi hóunabun anha lun íbinirügü aban lídangiñe álügüdahani le lídanbei rekuáduru. Anhein machourun hubalin anhein busén lubéi gürigia lafurendeirun, rúgubei humá aban tratadu lun. Gama lumoun, anhein amuriaha somu gürigia aban garüdia o furumiñeguarügü amu agumeiraguagüdüni wama wíchuguboun lun lau sun wagundan (Ari 3:27, 28).