Keimon lidoun ariñahani

Keimon lidoun libiaman menú

Keimon lidoun tila

Gefentiña luagu Heowá

Garifuna

Le lunbei ladügǘniwa lidan adamuridaguni Habagari Kristiánugu luma Heseriwidun  |  Bián-hati irumu 2016

 WABAGARI KEISI KRISTIÁNUGU

Amisuraha wamaña sun gürigia ha lídanbaña fulasu le ñein lubéi wapurichiha lidoun Aritaguagülei

Amisuraha wamaña sun gürigia ha lídanbaña fulasu le ñein lubéi wapurichiha lidoun Aritaguagülei
SANSIWALÁ LARIHÍN
Text
Image

Irumu le, lagumeseruba tederegehóun amisuragülei lubá Aritaguagülei 27 lidan bián-hati, ani wadügübei sun wayaraati lun wamisurahaniña sun gürigia ha lídanbaña fulasu le ñein lubéi wapurichiha lun haritaguni lounwen Kristu wama. Aranseñu waba lun wagiribudun bisidaña gürigia ha ánharubaña tun amisuragülei arufuda hagía busén hamá hasigirun afurendeira.

IDA LUBA HADÜGÜNI?

ARIÑAGA HUMÉI LE:

“Hínsiñeti hamuga woun wamisurahanün lidan aban adamuridaguni le wéiriti lisudinin. Hóundaraguba saragu míñunu gürigia lidan sun ubóu weyu 23 lidan ǘrüwa-hati lun haritaguni lounwen Hesukrístu. Lichugúba aban yanu tídangiñeti Bíbülia luagu ida liña lan líderaguniwa lani Hesusu sákürifisiu, mafayeihanbadün lun hebelurun. Ariñawagúati tidan amisuragülei to halíaba lan ladügǘwa ani kaba lan oura. Hínsiñeti hamuga woun lun hachülürün”.

Anhein arufuda gürigia busén lan lasigirun afurendeira:

  • RU HUMÓUN GARÜDIA AWISAHATU LUN

    Ariñaga humá somu katei lun gürigia aranse humaamugei üma lubá hagiribudun bisidei.

  • ARIHAGÜDA HUMÉI BIDÉU LUÁGUTI ARITAGUAGÜLEI LUN

    Ariñaga humá somu katei lun gürigia aranse humaamugei üma lubá hagiribudun bisidei.

Dánmeya hagiribudun bisidei:

  • ARIHAGÜDA HUMÉI BIDÉU KA UAGU LUNTI LUBÉI HATURIAHANU BÍBÜLIA?

    Lárigiñe, derege humá aban tídangiñe agumeiraguagüdüni to wayusuruboun lun waturiahanu Bíbülia lun gürigia ligía.

  • DEREGE HUMÓUN LÍBURU KÁTIMA SAN TARUFUDAHABEI BÍBÜLIA? LUN

    Yusu huméi ariñahani le lídanbei páhina 206 darí 208 le tídanbei líburu lun hafuranguagüdün fiu katei luáguti Aritaguagülei lun gürigia. Lárigiñe, derege humóun líburu lun.

  • DEREGE HUMÓUN GARÜDIA AGANBA HUMÉI BUNGIU LUN

    Yusu huméi ariñahani le lídanbei páhina 18 luma 19 lun hayanuhan luagu le mini lubéi lounwen Hesusu. Lárigiñe, derege humóun garüdia.