Keimon lidoun ariñahani

Keimon lidoun libiaman menú

Keimon lidoun tila

Gefentiña luagu Heowá

Garifuna

Le lunbei ladügǘniwa lidan adamuridaguni Habagari Kristiánugu luma Heseriwidun  |  Eneru irumu 2016

 ABAGARI KEISI KRISTIÁNUGU

Aban lubuidun chansi wábunagun luma wóunigirunu luban wadamuridagun

Aban lubuidun chansi wábunagun luma wóunigirunu luban wadamuridagun

Lau sun meha mama lan murusun seinsu luma wadagimanu le emegeirúbei lun tábunawagun ténpulu to Ísüraeliboun, ídehatiña meha ísüraelina tau sun hanigi lidan wadagimanu le (1 Kro 29:2-9; 2 Kro 6:7, 8). Lárigiñe, arihúati meha ida liña lan léibugun katei lidan hamadagua ísüraelina luma Heowá lidan ligaburi hetenirun tun ténpulu (2 Uru 22:3-6; 2 Kro 28:24; 29:3). Uguñe weyu, yúsutiwa saragu dan luma erei lun wábunagun Luban Wadamuridagun tuma burí Muna lun ladügǘniwa Adamurini, arumadaha wamutu ani aranseha wamuti giñe sun mégeiti le tuágubei. Adüga wamuti sun lira keisi fánreinti lídangiñe weseriwidun lun Bungiu. Ma inarüni aban lan lubuidun chansi wídehan ítara luma Heowá? (Sal 127:1; Aruf 7:15).

IDA LUBA WÍDEHAN?

  • Mosu watouhani sun katei lárigiñe kada adamuridaguni. O áfaagua wamá lun mígirun wamá chagaguaü ni iwiyei lidan fulasu ñein lubéi wañuura.

  • Súdiniti lun wídehan lidan aransehani le adügǘwaalibei lun tarumadahóun luma laransehóun sun mégeiti tuagu Luban Wadamuridagun. Ánhaña gibe ídehatiña, ménrenguntimabei wadagimanu houn súngubei ani gúndaatimabaña (lv páh. 92 pár. 18).

  • Gayaraati wíchugun budagia. Ariha lumuti Heowá budagia le wíchugubei lau sun taruman wanigi kei aban katei le wéiriti lebegi, meberesenga anhein biánrügüñein lubéi gáwanaü (Mar 12:41-44).

  • Anhein gayara wadügüni, ídeha wamá lidan tábunawagun burí muna to wayusuruboun lun wáhuduragun lun Heowá. Memegeiruntiwa gábunaguadi wamá lun wídehan.