Keimon lidoun ariñahani

Keimon lidoun libiaman menú

Keimon lidoun tila

Gefentiña luagu Heowá

Garifuna

Le lunbei ladügǘniwa lidan adamuridaguni Habagari Kristiánugu luma Heseriwidun  |  Eneru irumu 2016

 WABAGARI KEISI KRISTIÁNUGU

Buidutimalá wadügüni katei: Aranseha waméi üma lubá wagiribudun

Buidutimalá wadügüni katei: Aranseha waméi üma lubá wagiribudun

KA UAGU SÚDINI LUBÉI?

Busentiwa wáturaguni lila inarüni le wábunagubei (1 Ko 3:6). Ánhawa adarira aban gürigia le arufuduti busén lan lasigirun afurendeira, buídubei lun wígirun aban álügüdahani mounabúnga lun gayara láamuga wóunabuni danme wagiribudun bisidei. Lánhingichubei lira lun lagurabuni wagiribudun ani ménrenguntimabei woun waranseruni le lunbei wariñaguni danme wagiribudun bisidei. Danme wagiribudun gayaraati wariñagun lun wayabiña lan óunabei álügüdahani le wígirubei mounabúnga weyu le wadimurehanbei luma.

LE LUNBEI WADÜGÜNI:

  • Danme le haranseruni le hasaminarubei hariñagun danme hapurichihan muna tuagun muna, samina huméi kaba lan álügüdahani hígira mounabúnga lubá danme hagiribudun bisidaña gürigia. Anúadira huméi álügüdahani ligía tídangiñe agumeiraguagüdüni to hasaminaruboun hígirun houn gürigia weyu ligía. O gayaraati hasagaruni tídangiñe agumeiraguagüdüni to wayusuruboun lun waturiahanu Bíbülia hama gürigia, ábameti hanügünu agumeiraguagüdüni tuguya lun gürigia dánmeya hagiribudun bisidei.

  • Danme lásurun hadimurehan luma aban gürigia le arufuduti busén lan lasigirun afurendeira, ariñaga huméi lun hínsiñeti hamuga lan hun hadimurehan luma amu weyu, ábameti hadügüni álügüdahani le aranse humaalibei lun. Anhein gayara amuriaha huméi lani gürigia dátosu.

  • Anhaün ariñaga lun gürigia hagiribuduba lan ítaga weyu luma ítaga oura gúnfuli humá (Mat. 5:37).