Keimon lidoun ariñahani

Keimon lidoun libiaman menú

Keimon lidoun tila

Gefentiña luagu Heowá

Garifuna

Garüdia Awisahatu  |  Nefu-hati irumu 2015

Álügüdahani burí tuagu Bíbülia

Álügüdahani burí tuagu Bíbülia

Ka lisuunibei ibagari?

Sanditün san wéiriya lan lichati ibagari?

Álügüdaguañahaadün san hungua anhein lúnrügüñein lubéi wáhurerun, wawadigimaridun, wamarieidun, gasaanigu wamá luma waweiyadun wabagarida? (Hobu 14:1, 2.) Furendeitiwa tidan Bíbülia íbini lan meha gürigia ha chútimabaña aau adüga hamuti álügüdahani le hóuniwagua. (Aliiha huméi Apurichihati 2:11.)

Lun wasubudiruni ka lan lisuunibei ibagari, mosu wasubudiruni ida liña lan lagumeserun. Añahein saragu gürigia, lárigiñe hakutihani lanarime lácharawagun wasesun luma wágubu, aba híchugun fe aban lan huali tichügü adügübaliwa. (Aliiha huméi Sálumu 139:13, 14.) Anhein ítara liña lubéi, gébunarügü liña ladügüniwa. Líderagubadiwa wasubudiruni ka lan uagu ladügawa lúntima gasuuni lan wabagari.

Ka uagu ladügawa Bungiu?

Dan le ladügünbaliña Bungiu furumiñetiña gürigia, ruti aban lubuidun wadagimanu houn. Busenti meha lun habuinchagüdüni Ubóu hau harahüñü, hadügüni paraísume luma lun hawinwandun lun súnwandan. (Aliiha huméi Agumesehani 1:28, 31.)

Masansirun lumuti Bungiu lisuuni ni dan le hagarabaagunbei furumiñetiña gürigia luagun. Ariñagatu Bíbülia lúmagiñe lan dan ligía lawadigimariduña lun lesefuruniña lubúeingu ha úaraguabaña Lun luma lun ladügǘniwa lugundan ubouagu. Busenti giñe Bungiu hibihini ibagari le labusenrubei woun lúmagiñe furumiñeti dan. (Aliiha huméi Sálumu 37:29.) Ariñaga tumuti Bíbülia ka lan gayaraabei wadügüni lun lúaradun wabagari luma lisuuni Bungiu.