Keimon lidoun ariñahani

Keimon lidoun libiaman menú

Keimon lidoun tila

Gefentiña luagu Heowá

Garifuna

Garüdia Awisahatu  |  Seingü-hati irumu 2015

 TÍTULU LE LUÁGUBEI TIDÁÜ | YARAFAALI SAN LAGUMUCHAGÜLE UBÓU?

Gíbebaña ásügürütiña lau ibagari, agia huguya?

Gíbebaña ásügürütiña lau ibagari, agia huguya?

Ariñaga tumuti Bíbülia woun hanarimebei lan lagumuchagüle ubóu. Ariñagatu: “Ladüga ñeinbei saragu asufuriruni le úagili libe lúmagiñe lagumeserun ubóu, úabei giñe lárigiñe. Lun hamuga madüraagun lubéi lan Bungiu dan ligía, úati hamuga ni aban asalbaruti” (Matéu 24:21, 22). Gama lumoun, füramasetu giñe ñéinbaña lan ásügürütiña lau ibagari: “Ani ubóu, agumucheina liña [...]; ánheinti le adügüti lugundan Bungiu, labagariduba lun sun dan” (1 Huan 2:17).

Anhein busén hubéi hásügürün lau ibagari, lunti san hagumeserun areidaha umegeguni guentó? Uá. Ariñagatu Bíbülia: “Kéisiti lagünrinchaguba lan sun katei ítara, lunti lubeiti haruma lan habagaridun, deregeguañu hungua lun Bungiu sunsuinagubei, agurabañu huméi lachülürün luéyuri Bungiu” (2 Féduru 3:10-12). Íderagua lumutiwa bérusu burí le yarafabei lun bérusu le lun gunfuranda wamani laganagua lan ‘katei le lunbei lagumuchagun’ añahein urúeigu ha lídanbaña ubóu wuribati le hama sun ha afalarubaliña ani aba hamahadun lun lagumadihan Bungiu. Furanguti mesefurun lubadiwa lan umegeguni le wareidahabei.

Le linarün katei, lun wesefurun mosu wafurendeirun awinwanda kei labusenrun Bungiu ani lun úaragua wamá lun (Sofoníasi 2:3). Lubaragiñe wafalaruniña sun gürigia ha meberesegunbaña lau seini luagu wawinwanduña lan lidan lagumuhóun dan, mosu “agurabañu [wamani] lachülürün luéyuri Bungiu”. Gayarabei harufudahani gefentiña luagu Heowá hun tau Bíbülia ka lan lunbei hadügüni lun hásügürün lau ibagari.