Keimon lidoun ariñahani

Keimon lidoun libiaman menú

Keimon lidoun tila

Gefentiña luagu Heowá

Garifuna

Garüdia Awisahatu  |  Ǘrüwa-hati irumu 2015

 TÍTULU LE LUÁGUBEI TIDÁÜ | KA ÍDANGIÑE LESEFURAWA HESUSU?

Ka ídangiñe wemegeira wesefurún?

Ka ídangiñe wemegeira wesefurún?

“Gürigia le tagaraüdün würi, mabagariti saragu dan, ani buin liña lau idiheri. Ítara liña kei aban fuluri adaaraguti, lárigiñe aba lounwen, ñéingiñe lásaüra; kei lásügürün aban lamuñounga, lárigiñe aba lagumuchagun.” (Hobu 14:1, 2)

Lúmagiñe furumiñeti dan, busengubeiñanu gürigia hasubudiruni le mini lubéi hawinwandun lun súnwandan sin haweiyadun. Le hírubei, súngubei lan wagía hilatiwa. Dimurei burí le buga waliihabei iñu lariñagun meha Hobu lóugiñe ǘrüwa milu irumu guentó ani masansiragungili katei chülǘ lumoun dan le.

Sun gürigia busentiwa hamuga lun móunwegun wamá. Ariñagatu Bíbülia Bungiu lan íchugubalin ayumahani le tidoun wanigi, úara luma ayumahani lun gunfuranda wamani le lunbei lasuseredun (Apurichihati 3:11). Buiti hamuga san ladügün Bungiu lun wayumahan aban katei le siñati lasuseredun? Anhein uá lubéi hóunabagülebei, buiti hóunabun. Ariñagatu Lereun Bungiu aban lan ágani óunweni ani füramasetu ‘lagumuchaguba lan’ (1 Korintuna 15:26).

Chóuruti aban lan ágani óunweni. Úati ni aban gürigia le buídugili lichügü abusenruti lounwen. Lubaragiñe lira, dan le warihin somu peliguru, aba wanurahan. Ani dan le wasandirun, aba wáluahan surusia. Adüga wamuti sun wayaraati lun wanurahan luéi katei le gayarati ladügün lun weferidiruni wabagari.

Inarüni san gayara lan lagumuchagun ágani lǘhali le? Anha, gayarati. Mama lun wawinwandun luagu murusun dan ladügawa Bungiu. Mabusenrunti meha Bungiu lun ñein lan óunweni. Busenti yebe meha lun wawinwandun lun súnwandan ubouagu, ani súnwandan lagunfulirun le lasaminarubei Bungiu (Isaíasi 55:11).

Ídatima luba san lagumuchun Bungiu lau óunweni. Lúmagiñe sun dan, álugati wügüri lagumuchun lau óunweni, ani siñá lumuti. Ani aniheingua áfaagua. Darihaña aturiahatiña siensia árani lun fiú sandi. Haturiahañein giñe ligaburi lácharawagun hágubu gürigia luma ida liña lan ladügǘn sun katei le gabagaribei. Lidan saragu fulasu, lǘtimatiña gürigia awinwanda guentó sügǘ lau lidan sígulu le ásügürübei. Gama lumoun, siñamémeti hagumuchun lau óunweni. Kei tariñaguni Bíbülia, “lídounyaba [...] múa hagiribuda” sun gürigia (Apurichihati 3:20).

Gama lumoun, anihein ñunsu buiti: mámaba lichú lau wügüri aransehei turóbuli le. Adüga laali Heowá sun le mégeiwabei lun lesefuruniwa luéi óunweni, ani yusu lumuti Hesukrístu lun ladügüni katei le.