Keimon lidoun ariñahani

Keimon lidoun libiaman menú

Keimon lidoun tila

Gefentiña luagu Heowá

Garifuna

Garüdia Awisahatu  |  Bián-hati irumu 2015

 TÍTULU LE LUÁGUBEI TIDÁÜ | GÚNDAATÜN SAN LAU HUADIGIMARI?

Sügühali san lidaani ladügǘn wadagimanu hǘrüti?

Sügühali san lidaani ladügǘn wadagimanu hǘrüti?

Ma lanarime lawaragun Alex lidan aniha lan adiwira ábanya gafu tidan aban karü lánina águyuni, ani aba lasaminarun: “Güragu niña lidan lagübüri wadagimanu le. Lachülürüba funa san dan lun labuidurun dan nun? Buídutimabei yebe nibagari lun hamuga mama lan mosu nuadigimaridun saragu!”.

Ítara kei Alex, añahein saragu gürigia ha mínsiñeti wadagimanu hǘrüti houn. Ariñagati Aaron, aban nadagimeinti aranseha máhina: “Hiibe-agei gürigia saminatiña nibusigaridüna lan wadagimanu le ‘ǘnabuguti’. Adüga hamuti wadagimanu ligía lubarügü hadarirun amu”.

Gíbetiña gürigia saminatiña mama lan lúntiña wadagimanu hǘrüti. Ka uagu? Háfuga ladüga hígirun lun ladügün le haríagubei tidan bigibigitu luma le haganbubei tídangiñe radiu lun hasaminarun luagu ítara liña lan ibagari kei harihini ñein, buin lau katei séruti ani lidan darangilaü. Ariñagati Matthew, aban nadagimeinti lidan laransehóun mégeiti múnada: “Saminatiña saragu gürigia hounti lan ha wuribati lidin houn wadagimanu le hǘrüti”. Ani ariha laali giñe aban nadagimeinti gíriti Shane katei le. Ariñagati: “Busentiña gürigia hagañeiruni ligiaméme sin hawadigimaridun saragu”.

Gama lumoun, añahein saragu gürigia hínsiñeti wadagimanu hǘrüti houn. Ariñagati Danieli, aban wügüri 25 irumu lau le nadagimeinbei lidan tábunawagun muna: “Gúndaatibu lidan buadigimari dántima buidu lan lébuna badügüni”. Ligiaméme lariñagubei Andre, wügüri 23 irumu lau: “Chouru numuti mosu lan hawadigimaridun gürigia lun gunda hamá. Madaribadiwa ugundani lau murusunrügü lan wawadigimaridun, ibidiñerügübei woun kaba lan wadüga lau wadaani”.

Ka íderagubalin Danieli luma Andre lun harihini mariban lan ladügǘn wadagimanu hǘrüti? Sigí hamuti adundehani le tídanbei Bíbülia. Ínchaha tumutiwa Bíbülia lun wasigirun áfaagua luma lun wawandun, ani arufudahatu giñe woun lun wagundaarun lau wawadigimari.

Ka burí adundehani tídangiñeti Bíbülia gayarabei líderagunün lun hadarirun ugundani lidan huádigimari? Amisuraha wamutün lun haliihan fiú lídangiñe lidan le aban arütíkulu.