Keimon lidoun ariñahani

Keimon lidoun libiaman menú

Keimon lidoun tila

Gefentiña luagu Heowá

Garifuna

Garüdia Awisahatu  |  Eneru irumu 2015

Álügüdahani burí tuagu Bíbülia

Álügüdahani burí tuagu Bíbülia

Ka uagu hasaminara saragu gürigia anihein lan Bungiu?

Ma aban milaguru ibagari?

Kéiburi 3,000 irumu guentó, abürühati aban poeta: Alawaha numutibu ladüga wéiritu nanigi lau lubuidun badügünina” (Sálumu 139:14, El libro del Pueblo de Dios). Aban katei hanarimeti lubuidun gayara lan lasalirun aban irahü tídangiñe aban célula, adián? Gíbetiña gürigia asaminarutiña luagu anihein lan aban Bungiu le adügübalin sun katei le gabagaribei. (Aliiha huméi Sálumu 139:13-17 luma Ebüréu 3:4.)

Bungiu le adügübalin sielu luma sun le huáriñurugubei ligía giñe adügübalin Ubóu luma sun le awinwandubei ligibuagu (Sálumu 36:9). Ayanuhati hama gürigia lun hasubudiruni. (Aliiha huméi Isaíasi 45:18.)

Hádangiñe san animaalugu hayabin gürigia?

Genegeguati hágubu gürigia luma hágubu animaalugu lidan saragu katei. Gama lumoun, susereti ítara ladüga adügǘwa wama súngubei lun wawinwandun ubouagu, ani ábanmeme Bungiu adügübaliwa. Mama hádangiñe animaalu ladügei wügüri, lídangiñe múa ladügei. (Aliiha huméi Agumesehani 1:24 luma 2:7.)

Anihein bián katei súdiniti le adügübei lun mítaran wamá kei animaalugu. Le furumiñeti, ladüga gabafu wamá lun wasubudiruni Bungiu, lun línsiñedun woun luma lun inebe lan woun. Le libiaman, ladüga adügǘwa wamá lun wawinwandun lun súnwandan, ánheinti animaalugu mawinwandunbaña lun sun dan. Guentó hilatiwa ladüga maha lan meha furumiñeti wügüri lagunfuliruni lilurudun Bungiu. (Aliiha huméi Agumesehani 1:27 luma 2:15-17.)

 

Lanwoun ariñahani

Kátima san tarufudahabei Bíbülia?

Ka san inarünibei luagu Bungiu?

Afiñetün san berese lan Bungiu hau? Furendei huméi ka lan ligaburibei Bungiu luma ida luba lan hayarafadun lun.