Keimon lidoun ariñahani

Keimon lidoun libiaman menú

Keimon lidoun tila

Gefentiña luagu Heowá

Garifuna

Garüdia Awisahatu  |  Duusu-hati irumu 2014

 TÍTULU LE LUÁGUBEI TIDÁÜ: GAYARATI LUMADA HUMÁ BUNGIU

Hariñaguña hamuga san lumada humá Bungiu?

Hariñaguña hamuga san lumada humá Bungiu?

“Dan le buidu lan wamadagua luma Bungiu chóuruti wasandiragun woungua, úati ni kata wemegeirun ani darangilatiwa.”(CHRISTOPHER, NIBUREINTI GHÁNAGIÑETI)

“Ariha lumutibu Bungiu dan le híruñadibu lan, ani ténitimati bun ani arufuda ligía ínsiñeni bun lóugiñe le bagurabubei.”(HANNAH, ABAN IRAHÜ 13 IRUMU TAU, MERIGANA)

“Chóuruti nasandiragun nungua dan le nasubudiruni ariha lánina Bungiu keisi lumada. Numadagua luma Bungiu ligía katei gebegitimati le númabei.”(GINA, WÜRI YUMEIKANA, KÉIBURI 45 IRUMU TAU)

Gama lumoun, mámarügüñanu Christopher, Hannah tuma Gina asaminara ítara. Gíbetiña gürigia lidan sun ubóu chouru hamuti luagu ariha lániña Bungiu keisi lumadagu. Agia huguya? Yarafati san hasandiragun hungua lun Bungiu? Hínsiñeti hamuga san hun lun gamadagua humá luma Bungiu o lun habuiduragüdüni humadagua luma? Háfuga hálügüdagun hungua: “Ida liña gayara lan gamadagua lan aban gürigia kei nuguya luma Bungiu suntigabafu?”.

GAYARATI LUMADAGU WAMÁ BUNGIU

Chouru tumuti Bíbülia woun gayara lan gamadagua wamá luma Bungiu. Kei hénpulu, lidan Isaíasi 41:8 ariñagati luagu wa lan Bungiu lun Abüraámü “numada”. Teni humá giñe lun amisurahani le adügǘbei woun lidan Santiagu 4:8: “Yarafa humá lun Bungiu, ábame giñe layarafadun hun”. Furanguti lubeiti gayara lan lumadagu wamá Bungiu. Gama lumoun, ida liña gayara lan wayarafadun lun anhein siñá lubéi warihini?

Lun wóunabuni álügüdahani le, samina wamá luagu ida liña lan lagumeserun aban umadaguaü. Libe-agei dan, dan le hasubudiragun bián gürigia houngua luagu furumiñeti wéiyaasu, aban hariñaguni hiri. Ánhaña asigira ayanuha, aba hadimurehan luagu le hasaminarubei luma le hasandirubei, ani lau lásügürün dan aba laweiridagun umadaguaü. Aba léredun umadaguaü ligía eibu híderagun hóuniwagua. Ligiaméme asuseredubei woun luma Bungiu. Akutiha waméi katei le buidu.