Keimon lidoun ariñahani

Keimon lidoun libiaman menú

Keimon lidoun tila

Gefentiña luagu Heowá

Garifuna

Garüdia Awisahatu  |  Duusu-hati irumu 2014

Álügüdahani burí tuagu Bíbülia

Álügüdahani burí tuagu Bíbülia

Ka hemegeirubei hisaanigu lun línsiñedun Bungiu houn?

Yusu huméi katei le geyegubei wau lun híderaguniña hisaanigu lun línsiñedun Bungiu houn

Lun línsiñedun Bungiu houn hisaanigu, mosu hasubudiruni luagu anihein lan ani chouru hameime luagu hínsiñe hamá lun. Mégeitiña giñe hasubudiruni (1 Huan 4:8). Kei hénpulu, mosu hasubudiruni ka lan uagu ladügaña Bungiu gürigia, ka lan uagu lígira lun hasufurirun luma kaba lan ladüga wawagu ámuñegü. (Aliiha huméi Filipuna 1:9.)

Lun línsiñedun Bungiu houn hisaanigu, mosu giñe harihini luagu hínsiñe lan hun, lugundun chóuruti hafalarubei lan hani hénpulu. (Aliiha huméi 2 Lúrudu 6:5-7 luma Ariñawagúni 22:6.)

Ka lunbei hadügüni lun línsiñedun Bungiu houn hisaanigu?

Gabafutu Lererun Bungiu (Ebüréu 4:12). Ligíati, íderagua humaña hisaanigu lun gunfuranda hamani arufudahani méiniti le tídanbei Bíbülia. Lun hachülürün tidoun hanigi hisaanigu, adüga huméi le meha ladügübei Hesusu hama lani disipulugu: álügüdagua humaña, aganba huméi hóunabagüle ani le úati gunfuranda hamani afuranguagüda huméi houn. (Aliiha huméi Lúkasi 24:15-19, 27, 32.)

Gayarati giñe haturiahan somu abahüdaguni tídangiñeti Bíbülia hama le arufudubalin ínsiñeni le meha larufudubei Bungiu houn gürigia. Ítara luba hasubudiruni Bungiu buidu buidu ani línsiñedatimaba houn. Lidan www.jw.org/cab hadariruba saragu ariñahani le lunbei lahuudun hun. (Aliiha huméi 2 Timotéu 3:16.)

 

Lanwoun ariñahani

Kátima san tarufudahabei Bíbülia?

Ida luba gunda lan hibagari kei familia

Ruti Hesusu aban hénpulu lánina ínsiñehabuni houn wügüriña hama würiña maríeitiña, houn agübürigu luma houn isaanigu. Ka wafurendeirubei lúmagiñe?