Keimon lidoun ariñahani

Keimon lidoun libiaman menú

Keimon lidoun tila

Gefentiña luagu Heowá

Garifuna

Garüdia Awisahatu (to lánina aturiahani)  |  Sisi-hati irumu 2017

Haritagua humagili san?

Haritagua humagili san?

Aliiha humutu san tagumuhóun burí Garüdia Awisahatu to áfuriduboun lau duari? Houcha humá hóunabuni álügüdahani burí le:

Dan le heresibirun adundehani túmagiñe lóundarun Heowá, ka igaburi lunbei harufuduni íbirigu ha eseriwidubaña kei óunigirutiña sirkuitu, wéiyaaña lidan afiñeni hama amu?

Lunti hadügüni le ariñawagúbei houn lau lóufudagun. Gayarati hálügüdagun houngua: “Ídehatina san lun hawanserun ha híbiri lidan hafiñen? Gaganbaditina san ani ídehatina san dan le nibihin somu adundehani?” (w16.11, páhina 11 darí 12).

Ídabuga hagumesera kristiánugu inarünitiña eredera lábugiñe tubafu Babilónia?

Murusun dan lárigiñe hounwen apostolugu. Aba hagumeserun fiú iñuragua houngua keisi ábutigu. Aba tagumeserun ligilisi luma ageiraü ínchahaña gürigia lun hagarabaagun luagun Bungiu ani aba houchun hadügün lun maganbún lan hamalali kristiánugu, ha ítarabaña kei türigu. Gama lumoun, saragu irumu lubaragiñe 1914, aba hagumeserun kristiánugu anuadirúaaña áfurida tídangiñe Babilónia (w16.11, páhina 23 darí 26).

Ida liña amu lan habagaridun gürigia “según igaburi lánina figóu” luma habagaridun “según lugundan sífiri sandu”? (Rom. 8:6)

Ha íchugubalin hasaminan luagun katei le lánina figóu wéiriti hetenirun lun layumahan ǘgürügü ani héreti hayanuhan luagu. Ha íchugubalin hasaminan luagun katei lúmagiñeti Bungiu hóuchatiña hasaminarun kei ligía. Ígiratiña lun ladundehani sífiri sandu hasaminan. Híchuguni gürigia hasaminan lidoun katei lánina figóu barüti óunweni, ani anhein híchiga luagun katei lánina sífiri, barüti ibagari luma darangilaü (w16.12, páhina 12 darí 14).

Ka burí katei gayarabei wadügüni lun madiheridun wamá saragu?

Teni humá lun le súdinitimabei furumiñe, gunfuranda huméi siñá humani sun katei adüga, ígira humá dan sagü weyu lun hemeraagun, gunda humá lau katei burí le ladügübei Bungiu, meferidira huméi hugundan, adüga humá ehersísiu ani arumuga humá buidu (w16.12, páhina 18 darí 20).

Ka uagu súdinimemegili lubéi ǘnabuguni?

Anhein ǘnabugu wabéi masaminarunbadiwa wawougua lóugiñe le lubeibei ani wasubudirubei siñá wamani sun katei adüga. Mosu waritaguni gayara lan gani lan le wadügübei efekütu hawagu amu ani moun lumuti giñe wasaminarun súdini wamá (w17.01, páhina 16).

Ka burí katei arufudubalin adundeha lániña Bungiu kristiánugu ha arihibaña lau damuriguaü lidan furumiñeti sígulu, ítara kei ladundehani Sétanu le arihibei lau hawadigimari lumutuniña Bungiu uguñe weyu?

Íderagua lumutiña meha sífiri sandu lun gunfuranda hamani inarüni le tídanbei Lererun Bungiu, resibitiña ídemuei hámagiñe ánheligu lun hetenirun lun apurichihani ani afiñetiña luagu tadundehan Lererun Bungiu. Ligiaméme asuseredubei uguñe weyu (w17.02, páhina 23 darí 26).

Kaba burí katei íderaguawa lun geteingiradi wamá luagu lebegi asalbaruni?

Anihán gádürü lídangiñe katei burí ligía: ka lan íchugubalin, ka lan uagu ladügei, ka sákürifisiu ladügübei lun lagunfuliruni ani ka uagu mégeiwa lubéi. Lunti wasaminarun luagun katei burí le (wp17.1, páhina 4 darí 6).

Gayarati san lasansirun lisaminan aban kristiánu dan le desidírühali aban katei?

Íbini mosu lan wagunfuliruni wererun, anihein dan mosu lan wasaminarun buidu luagun le desidírü wabéi. Dan le meha hasakürihanbei níniwena, aba desidírü lan Bungiu magünrinchagun laali lan uburugu. Anhein asansira gádantiwa o ánhawa ibiha iseri ariñahani, háfuga mosu lan wasansiruni le desidírü wamaalibei (w17.03, páhina 12 darí 14).

Ka uagu weiri lubéi peliguru lan achurahani?

Ladüga gayarati ladügün lun laweiridagun aban turóbuli. Meberesenga anhein garicha wabéi o maricha wamá, maranserunbei turóbuli lau wariñagun katei le gáriti houn amu (w17.04, páhina 18 luma 19).