Skip tu di aatikl

Skip tu di ada menyoo

Skip tu lis a tapik

Jehoava Witnisiz

Bileez Kriol

'Sing Owt Wid Aala Yu Haat' tu Jehoava

 SANG 128

Stay Faytful Dong tu di En

Pik Wahn Aadyo Rikaadin
Stay Faytful Dong tu di En
CHAYNJ VYOO
Teks
Picha

(Machyu 24:​13)

  1. 1. Di tingz Gaad teech wi chroo ih Werd,

    Dehn help wi stan op schrang.

    Bikaaz wi noa eech pramis shoar,

    Dis chois kud neva bee rang.

    Wi jos kantinyu serv eech day

    Ahn wi gi wi Gaad wi bes.

    Wi shoa dis werl wahn hapi fays

    Kaaz Gaad help wi paas eech tes.

  2. 2. Wi haftu lov Jehoava Gaad

    Wid haat ahn main ahn soal.

    Wi kyaahn afoad fi looz wi lov;

    Wi hafu mek shoar ih groa.

    Wateva chraiyal wee mos fays,

    Eevn if da fyaa er dowt,

    Wi fyoocha brait, ahn wee noh frayd—

    Jehoava wahn bring wi owt.

  3.  3. If wee stay faytful til di en

    An aalwayz du weh rait,

    If wee paas eech an evri tes,

    Den Jeezas pramis wi laif.

    Soh mek wi pleez Jehoava Gaad;

    Mek wi stan pahn salid grong,

    Soh eevn wen laif feel tu haad,

    Wid fayt wi wahn stan op schrang.

(Ada skripchaz: Heeb. 6:​19; Jay. 1:4; 2 Pee. 3:​12; Rev. 2:4.)