Skip tu di aatikl

Skip tu di ada menyoo

Skip tu lis a tapik

Jehoava Witnisiz

Bileez Kriol

Laif ahn Minischri Meetin Werkbuk  |  Septemba 2017

 LIV YU LAIF AZ WAHN KRISTYAN

Chrayn Dehn fi Neva Stap Serv Jehoava

Chrayn Dehn fi Neva Stap Serv Jehoava

Wen wahn nyoo poblisha geh chraynin fahn erli fi bee bizi eena feel servis, moas a di taim ih en op di bee wahn poblisha weh du gud eena di minischri. (Pr 22:6; Fil 3:16) Dehnya da sohn sojeshan pahn how yu ku help wahn styoodent fi ga wahn gud fongdayshan eena di minischri:

  • Az soon az di eldaz aproov yu styoodent fi bee wahn poblisha, staat tu chrayn ahn. (km-E 8/15 1) Help ahn fi si wai ih impoatant fi di preechin werk bee paat a ih skejul evri week. (Fil 1:10) Mek shoar weh yu seh bowt di teritori pazitiv. (Fil 4:8) Inkorij ahn fi werk lang wid di groop oavaseeya ahn di ada poblisha dehn soh ih ku laan fahn di ekspeeryens weh dehn gat.—Pr 1:5; km-E 10/12 6 ¶3

  • Afta yu styoodent geh baptaiz, noh stap inkorij ahn. Kantinyu chrayn ahn fi preech ahn teech, speshali if ih noh finish di “Godʼs Love” buk yet. —km-E 12/13 7

  • Wen yu di preech lang wid wahn nyoo poblisha, yooz wahn eezi prezentayshan. Afta yu hyaa ih prezentayshan, mek shoar yu komen ahn. Giv ahn sohn sojeshan weh wahn help ahn fi du eevn beta.—km-E 5/10 7