Skip tu di aatikl

Skip tu di ada menyoo

Skip tu lis a tapik

Jehoava Witnisiz

Bileez Kriol

Laif ahn Minischri Meetin Werkbuk  |  Novemba 2017

 LIV YU LAIF AZ WAHN KRISTYAN

Du Beta Eena di Minischri—Mek Ritern Vizit

Du Beta Eena di Minischri—Mek Ritern Vizit

WAI DIS IMPOATANT: Wahn lata peepl weh shoa inchres eena di mesij weh wi di shayr, akchwali waahn noa di chroot bowt Gaad. (Isa 55:6) Fi mek wee ku help dehn, wi need fi goh bak ahn vizit dehn oava ahn oava. Peepl fays aal kaina prablem, soh di way how wee plan fi help dehn noh wahn bee di sayhn way aal di taim. Bot, wi wahn ku help dehn if wi pripyaa gud ahn teech dehn sohnting eech taim wi goh vizit dehn. Eena dis way wi wahn ku reech wi mayn goal, weh da fi staat wahn Baibl stodi wid dehn.

HOW FI DU IT:

  • Du yu bes fi goh bak rait away, maybi jos kopl dayz afta di fos vizit.—Mach 13:19

  • Bee frenli wid dehn ahn shoa rispek. Chrai bee rilaks

  • Taak wid dehn wahn lee bit fos. Yooz di persn naym. Mek ih noa wai yu kom bak—maybi fi ansa wahn kweschan, bring di laytes magazeen, shoa ahn wi websait, shoa ahn wahn veedyo, er fi shoa ahn how wi du wahn Baibl stodi. If di persn staat taak bowt sohnting els weh ih inchrestid eena, bee redi fi lisn ahn fi taak bowt it.—Fil 2:4

  • Shayr wahn skripcha wid di persn er lef ahn wahn magazeen. Eena dis way yu di waata di seed a chroot weh eena da persn haat. (1Ko 3:6) Chrai yu bes fi bee da persn fren

  • Mek planz fi du wahn neks ritern vizit