Skip tu di aatikl

Skip tu di ada menyoo

Skip tu lis a tapik

Jehoava Witnisiz

Bileez Kriol

Laif ahn Minischri Meetin Werkbuk  |  Aypril 2017

 LIV YU LAIF AZ WAHN KRISTYAN

Di Kingdom Sang Dehn Gi Wi Korij

Di Kingdom Sang Dehn Gi Wi Korij

Paal ahn Sailas mi sing ahn prayz Gaad wen dehn mi deh eena jayl. (Aks 16:25) Eena fi wee taim, som a wi bradaz mi sing Kingdom sang wen dehn mi eena Sachsenhausen kansenchrayshan kyamp da Nazi Germany ahn wen dehn mi deh da Siberia. Dehnya egzampl shoa wi how di sang dehn ga di powa fi gi wi di korij weh wi need wen wi di goh chroo chraiyalz.

Di nyoo “Sing Out Joyfully” to Jehovah sangbuk wahn soon kom owt eena lata ada langwij. Wans wi geh fi wee wan, wi ku praktis di sang dehn joorin famili wership ahn chrai laan di werdz bai haat. (Ifee 5:19) Den, hoali spirit wahn help wi fi memba dehn wen wahn chraiyal kom op. Dehnya sang ku help wi fi foakos pahn wi hoap. Dehn ku gi wi di korij weh wi need wen wi di goh chroo chraiyalz. Ahn wen wi hapi, wi ku “sing owt wid jai” sayka how wi haat feel gud. (1Ch 15:16; Ps 33:1-3) Mek wi du wi bes fi laan wi Kingdom sang dehn!

WACH DI VEEDYO WAHN SANG WEH MI GI WI BRADAZ KORIJ, DEN ANSA DEHNYA KWESCHAN:

  • Weh mi mek Brada Frost kom op wid di aidyaa fi rait wahn sang?

  • How da sang mi inkorij di bradaz eena di Sachsenhausen kansenchrayshan kyamp?

  • How di Kingdom sang dehn ku schrentn yoo evriday?

  • Wat da sohn Kingdom sang weh yoo wuda waahn laan bai haat?