Skip tu di aatikl

Skip tu di ada menyoo

Skip tu lis a tapik

Jehoava Witnisiz

Bileez Kriol

Laif ahn Minischri Meetin Werkbuk  |  Aypril 2017

 LIV YU LAIF AZ WAHN KRISTYAN

Yu Ku Inkorij Wahn Brada er Sista Weh Inaktiv

Yu Ku Inkorij Wahn Brada er Sista Weh Inaktiv

Pahn Choozdeh, Aypril 11, wahn lata bradaz ahn sistaz weh inaktiv gwehn da di Memoaryal. Dehn mi staat aaf gud eena di rays fi laif bot dehn sloa dong fi wan reezn er di ada. Di broashoar weh naym Return to Jehovah taak bowt som a dehn reezn. (Heeb 12:1) Stilyet, Jehoava lov dehn wan weh inaktiv bikaaz hihn mi bai dehn wid di blod a ih Son. (Aks 20:28; 1Pee 1:18, 19) Weh wi ku du fi help dehn kohn bak tu di kangrigayshan?

Di sayhn way how wahn shepad wudn giv op di luk fi ih sheep weh schray weh fahn di flak, di eldaz noh giv op di chrai fain inaktiv bradaz ahn sistaz fi help dehn. (Look 15:4-7) Dis di shoa humoch Jehoava lov dehn ahn kay bowt dehn. (Jer 23:3, 4) Aala wi ku inkorij dehn, noh jos di eldaz. Jehoava hapi wen wi chrai bee kain ahn shoa dat wi kay, ahn dis mek wi feel gud tu. (Pr 19:17; Aks 20:35) Soh den, tink bowt sohnbadi weh yoo ku inkorij, ahn den chrai du it!

WACH DI VEEDYO INKORIJ WI BRADAZ WEH INAKTIV, DEN DISKOS DEHNYA KWESCHAN:

  • Da wat Abi mi du wen ih mi meet wahn Witnis weh ih neva noa?

  • Wai wi shuda taak tu di eldaz fos if wi di tink bowt help sohnbadi weh inaktiv?

  • How Abi mi pripyaa fi gaahn bak gaahn si Laara?

  • How Abi mi shoa dat ih payshent, lovin, an ih neva mi wahn giv op wen ih mi-di chrai inkorij Laara?

  • Weh wi ku laan fahn weh Jeezas mi taak bowt da Look 15:8-10?

  • Wat da-mi di en rizolt wen evribadi chrai du dehn paat fi help Laara?