Skip tu di aatikl

Skip tu di ada menyoo

Skip tu lis a tapik

Jehoava Witnisiz

Bileez Kriol

Laif ahn Minischri Meetin Werkbuk  |  Janiweri 2017

 LIV YU LAIF AZ WAHN KRISTYAN

Memba fi Pray fi Wi Bradaz Weh Di Fays Persikyooshan

Memba fi Pray fi Wi Bradaz Weh Di Fays Persikyooshan

Di Baibl mi prafesai dat Saytan wahn persikyoot wi fi chrai stap wi minischri. (Jan 15:20; Rev 12:17) Weh wi ku du fi help wi bradaz eena difrent paat a di werl weh di fays persikyooshan? Wi ku pray fi dehn. “Wen wahn persn weh rait wid Gaad pray, dat powaful, ahn ting hapm!”—Jay 5:16.

Wat wi ku pray fa? Wi ku aks Jehoava fi gi wi bradaz ahn sistaz di korij dehn need, ahn fi help dehn noh bee frayd. (Isa 41:10-13) Lang wid dat, wi ku pray fi mek di govament dehn noh gi wi prablemz fi preech, “soh dat wi ku liv wahn kwaiyet ahn peesabl laif.”—1Tim 2:1, 2.

Wen Paal ahn Peeta mi fays persikyooshan, di Kristyanz bak den mi yooz dehn naym wen dehn pray fi dehn. (Aks 12:5; Roam 15:30, 31) Eevn if wi noh noa di naym a aal dehn wan weh di fays persikyooshan tudeh, yu noh tink wi kuda stil menshan dehn kangrigayshan, dehn konchri, er di ayrya weh dehn liv?

Rait dong wahn lis a ayrya weh ga bradaz weh di fays persikyooshan weh yoo wuda waahn pray fa.