Skip tu di aatikl

Skip tu di ada menyoo

Skip tu lis a tapik

Jehoava Witnisiz

Bileez Kriol

Hoo Di Du di Wil a Jehoava Tudeh?

 LESN 12

How Wi Aaganaiz fi Preech Bowt di Kingdom a Gaad?

How Wi Aaganaiz fi Preech Bowt di Kingdom a Gaad?

Spain

Belarus

Hong Kong

Peru

Jos bifoa Jeezas mi ded, ih mi seh: “Di Gud Nyooz bowt di kingdom a hevn wahn geh preech oava di hoal werl soh dat aala di nayshan dehn ku yehr di chroot, ahn den di en wahn kohn.” (Machyu 24:14) Bot how wi wahn du dis preechin werk aal oava di werl? Wi haftu fala di egzampl weh Jeezas mi set fi wi wen ih mi deh pahn di ert.Look 8:1.

Wi chrai fain peepl weh dehn liv. Jeezas mi chrayn ih disaipl dehn fi preech di gud nyooz fahn hows tu hows. (Machyu 10:11-13; Aks 5:42; 20:20) Ih mi gi dehn wahn set ayrya fi goh preech eena. (Machyu 10:5, 6; 2 Korintyanz 10:13) Tudeh wi preechin werk aaganaiz di sayhn way; eech kangrigayshan ga dehn oan ayrya fi kova. Wen wi du dis, wi ‘di preech tu di peepl dehn’ jos laik weh Jeezas mi seh fi du.Aks 10:42.

Wi chrai fain peepl noh mata weh dehn deh. Jeezas mi preech tu peepl owt eena di poblik, laik lang di seesaid er bai wahn wel. (Maak 4:1; Jan 4:5-15) Wi fala da sayhn egzampl tudeh. Wen wi meet peepl pahn di schreet, da wahn bizniz plays, da di maakit, da wahn paak, er taak tu dehn pahn di foan, wi chrai shayr di gud nyooz fahn di Baibl wid dehn. Ahn wen da wahn gud taim fi wi nayba dehn, peepl weh wi werk wid, wi klaasmayt, er wi faamli dehn, wi preech tu dehn tu. Bikaaz aala wi di werk haad fi shayr “di Gud Nyooz,” milyanz a peepl di hyaa di chroot.Ifeezhanz 1:13.

Yu ku tink bowt sohnbadi weh yu wuda waahn shayr di gud nyooz bowt di Kingdom a Gaad wid? Tink bowt weh kaina fyoocha dehn ku ga bikaaz a di gud nyooz. Dis mesij ku gi da persn wahn hoap. Noh kip it tu yuself. Shayr it wid dehn wen yu geh di neks chaans!

  • Wat da di “Gud Nyooz” weh Jeezas mi seh fi preech bowt?

  • How Jehoava Witnisiz di fala Jeezas egzampl fi preech?

Laan Moa Bowt Dis

RIPOAT

Jehoava Witnisiz: How Wi Aaganaiz fi Preech di Gud Nyooz

Jehoava Witnisiz di teech peepl bowt di Baibl aal oava di werl. Evribadi noa dehn fi dat. Da how dehn preechin werk set op, ahn weh di fainans kohn fram?