Skip tu di aatikl

Skip tu di ada menyoo

Skip tu lis a tapik

Jehoava Witnisiz

Bileez Kriol

Hoo Di Du di Wil a Jehoava Tudeh?

 LESN 5

Weh Yu Wahn Ekspeeryens da Wi Kristyan Meetin Dehn?

Weh Yu Wahn Ekspeeryens da Wi Kristyan Meetin Dehn?

Argentina

Sierra Leone

Belgium

Malaysia

Wahn lata peepl stap goh da dehn cherch bikaaz dehn noh fain di spirichwal gaidans ahn komfert weh dehn di luk fa. Soh den, wai yu shuda goh da di Kristyan meetin dehn weh Jehoava Witnisiz ga? Weh yu wahn fain deh?

Yu wahn ekspeeryens lov, kyaa, ahn hapinis. Eena di dayz a di apasl dehn, di Kristyan dehn mi aaganaiz bai kangrigayshan. Dehn yoostu ga meetin fi wership Gaad, fi stodi di Skripcha dehn, ahn fi inkorij wan anada. (Heebrooz 10:24, 25) Bikaaz dehn mi deh rong peepl weh lov wan anada, dehn mi feel laik dehn deh monks chroo frenz—dehn spirichwal bradaz ahn sistaz. (2 Tesaloanyanz 1:3; 3 Jan 14) Wi fala da saym patan tudeh ahn ekspeeryens da saym lov, kyaa, ahn hapinis.

Yu wahn benifit wen yu laan how fi aplai Baibl prinsipl. Di saym way how di Baibl mi seh dat man, uman, ahn pikni yoostu meet tugeda fi wership, tudeh wi du di saym ting. Dehn wan weh kwalifai fi teech help wi laan how fi aplai Baibl prinsipl eena wi evriday laif. (Deuteronomy 31:12; Nehemiah 8:8) Evribadi ku tek paat wen wi ga wahn diskoshan ahn wen wi sing. Dis gi wi wahn apachooniti fi shoa how wi feel bowt wi Kristyan hoap.Heebrooz 10:23.

Yu fayt eena Gaad wahn geh schranga, ahn dis da wahn blesin. Di apasl Paal mi tel wan a di kangrigayshan dehn eena fi hihn taim dat ih ‘lang fi si dehn’ soh dat dehn kuda ‘bil op wan anada.’ Dis wuda bee wahn blesin kaa dehn wuda geh schranga wen dehn si wan anada fayt eena Gaad. (Roamanz 1:11, 12, Di Jamiekan Nyuu Testiment) Wen wi aalwayz deh rong wi bradaz ahn sistaz da wi meetin dehn, wi fayt ahn korij fi liv az wahn Kristyan geh schranga.

If yu waahn ekspeeryens dehnya ting fi yuself, pleez kohn lang wid wi da wi neks kangrigayshan meetin. Wi wahn gi yu wahn waam welkom. Wi noh chaaj notn fi kom een, ahn wi noh tek op kalekshan.

  • Weh patan wi kangrigayshan meetin dehn bays pan tudeh?

  • How wi wahn benifit if wi goh da di meetin dehn?

Laan Moa Bowt Dis

MEETINZ

Weh Aal Hapm da Wahn Kingdom Haal?

Tek wahn luk eensaid ahn si fi yuself.

LAAN BOWT WI

Di Meetin Dehn Weh Eech Kangrigayshan a Jehoava Witnisiz Ga

Fain owt wehpaa wi meet ahn how wi wership.