Skip tu di aatikl

Skip tu di ada menyoo

Jehoava Witnisiz

Bileez Kriol

Weh Yu Tink Wahn Hapm Eena di Fyoocha?

Weh Yu Tink Wahn Hapm Eena di Fyoocha?

Yu tink di werl wahn . . .

  • stay di saym?

  • geh wosa?

  • geh beta?

 DI BAIBL ANSA SEH:

“Gaad . . .wahn waip weh aala dehn aiywaata fahn dehn aiy. Dehn noh wahn ded nohmoh ner sofa, ner krai ner feel payn nohmoh. Kaa aala dehndeh tingz weh mi deh eena di paas, dehn gaahn fareva.”—Revilayshan 21:3, 4, Nyoo Testiment eena Bileez Kriol.

HOW YU WAHN BENIFIT IF YU BILEEV DIS

Yu werk noh wahn bee fi notn, ahn yu wahn injai weh yu werk fa. —Isaiah 65:21-23, New World Translation (NW).

Yu noh wahn sofa er geh sik eva agen.—Isaiah 25:8; 33:24, NW.

Yu wahn injai wahn hapi laif fareva wid yu famili ahn fren dehn. —Psalm 37:11, 29, NW.

 WI KU REELI CHROS WEH DI BAIBL SEH?

Yes, fi at lees too reezn:

  • Gaad ga di powa fi mek ih pramis dehn kohn chroo. Jehoava da di onli wan weh di Baibl kaal “Almaiti,” bikaaz fi hihn powa kyaahn don. (Revilayshan 15:3) Soh da hihn wan ga di powa fi chaynj di werl fi mek ih bee wahn beta plays. Da jos laik how di Baibl seh, “wid Gaad, evriting pasabl.”—Machyu 19:26.

  • Gaad eega fi mek ih pramis dehn kohn chroo. Jos az wahn egzampl, Jehoava ga wahn langin fi rayz op peepl bak fahn di ded.—Job 14:14, 15, NW.

Pahn tap a dat, di Baibl tel wi dat Gaad Son, Jeezas, heel di sik. Wai ih du dat? Bikaaz ih mi reeli waahn du it. (Maak 1:40, 41) Wen Jeezas mi help peepl, hihn mi-di shoa di egzak sayhn wayz weh ih Faada shoa.—Jan 5:19.

Bikaaz a dat, wi shoar seh dat Jehoava ahn Jeezas reeli waahn help wi fi injai wahn hapi hapi fyoocha!—Psalm 72:12-14; 145:16, NW; 2 Peeta 3:9.

 TINK BOWT DIS

How Gaad wahn chaynj di werl fi bee wahn beta plays?

Di Baibl gi wi di ansa da MACHYU 6:9, 10 ahn DANIEL 2:44, NW.

Laan Moa Bowt Dis

GUD NYOOZ FAHN GAAD!

Wat Da Gaad Perpos fi di Ert?

Di Baibl eksplayn wai Gaad mi mek di ert, wen sofarin wahn en, ahn weh da di fyoocha fi di ert ahn dehn wan weh liv pan it.

GUD NYOOZ FAHN GAAD!

Wat Da di Kingdom a Gaad?

Hoo da di King a Gaad Kingdom ahn weh aal di Kingdom wahn du?