Skip tu di aatikl

Skip tu di ada menyoo

Jehoava Witnisiz

Bileez Kriol

Weh da di Kingdom a Gaad?

Weh da di Kingdom a Gaad?

Yu wuda seh . . .

  • da sohnting eena yu haat?

  • da hevn?

  • da wahn govament weh rool fahn hevn?

 DI BAIBL ANSA SEH:

“Di Gaad a hevn wahn set op wahn kingdom weh wahn neva geh dischrai.”—Daniel 2:44, New World Translation (NW).

“[Gaad] gi wi wahn son; ahn [Gaad] govament wahn res pahn fi hihn shoalda.” —Isaiah 9:6; futnoat, NW.

HOW YU WAHN BENIFIT IF YU BILEEV DIS

  • Wahn raichos govament weh ku persnali benifit yoo. —Isaiah 48:17, 18, NW.

  • Laif wid perfek helt ahn hapinis eena di nyoo werl weh di kohn. —Revilayshan 21:3, 4, Di Nyoo Testiment eena Bileez Kriol.

 WI KU REELI CHROS WEH DI BAIBL SEH?

Yes, fi at lees too reezn:

  • Jeezas mi shoa weh Gaad Kingdom wahn du. Jeezas teech ih disaipl dehn fi pray fi mek Gaad set op ih Kingdom ahn fi mek evribadi obay ahn pahn di ert. (Machyu 6:9, 10) Jeezas shoa egzakli how Gaad wahn ansa da pryaa.

    Wentaim Jeezas mi deh pahn di ert, ih mi feed hongri peepl, heel di sik, ahn rayz op bak di ded! (Machyu 15:29-38; Jan 11:38-44) Jeezas mi noa seh dat hihn mi wahn bee di King a Gaad Kingdom, soh ih shoa wi, eena wahn wandaful way, aal weh dis Kingdom ku du fi di peepl weh ih rool oava.—Revilayshan 11:15.

  • Tingz weh di hapm eena di werl rait now di proov dat Gaad Kingdom wahn soon kohn. Jeezas prafesai dat jos bifoa di Kingdom bring pees pahn di ert, peepl wahn di staav, ahn waar ahn ertkwayk wahn deh aal oava di werl.—Machyu 24:3, 7.

    Dat da egzakli weh wi si di hapm tudeh day. Soh wi kud bee shoar shoar dat di Kingdom a Gaad wahn soon geh rid a dehndeh prablem.

 TINK BOWT DIS

Weh laif wahn bee laik wen di Kingdom a Gaad di rool?

Di Baibl gi wi di ansa da PSALM 37:29 ahn ISAIAH 65:21-23, NW.

 

Laan Moa Bowt Dis

GUD NYOOZ FAHN GAAD!

Wat Da Gaad Perpos fi di Ert?

Di Baibl eksplayn wai Gaad mi mek di ert, wen sofarin wahn en, ahn weh da di fyoocha fi di ert ahn dehn wan weh liv pan it.