Skip tu di aatikl

Skip tu di ada menyoo

Skip tu lis a tapik

Jehoava Witnisiz

Bileez Kriol

Gud Nyooz Fahn Gaad!

 LESN 1

Wat Da di Gud Nyooz?

Wat Da di Gud Nyooz?

1. Wat da di gud nyooz fahn Gaad?

Gaad waahn peepl injai laif pahn di ert. Ih mek di ert ahn evriting weh deh pan it bikaaz ih lov wi. Soon hihn wahn tek akshan fi mek shoar peepl aal oava di werl hav wahn beta laif. Hihn wahn geh rid a evriting weh di mek peepl sofa nowadayz.​—Reed 1 Timoti 6:19.

Soh faar, no hyooman govament eva geh rid a vailens, siknis, er det. Bot gud nyooz deh. Gaad govament wahn soon tek di plays a aala di govament weh deh pahn di ert. Evribadi weh sopoat fi hihn govament wahn injai gud helt ahn liv eena pees.​—Reed Revilayshan 11:15; 21:3, 4.

2. Wai ih soh impoatant fi mek peepl hyaa di gud nyooz rait now?

Wi noh wahn stap sofa til afta Gaad geh rid a di bad peepl aafa di ert. (2 Tesaloanyanz 1:8) Bot wen dat wahn hapm? Fahn lang taim di Baibl mi tel wi bowt di haad taim dehn weh wi di goh chroo tudeh. Aala dehnya ting weh di hapm now meen dat Gaad wahn soon tek akshan.​—Reed 2 Timoti 3:1-5.

3. Weh wi need fi du now?

Wi need fi laan bowt Gaad fahn fi hihn Werd, di Baibl. Dis buk da laik wahn leta tu wi fahn wahn lovin pa. Ih tel wi how fi liv wahn beta laif now ahn how wi ku injai laif fareva pahn di ert eena di fyoocha. Sohn peepl noh wahn laik dat yu di geh help fi andastan di Baibl. Bot noh mek dehn stap yu fahn tek dis apachooniti fi hav wahn beta fyoocha.​—Reed 2 Timoti 3:12; Revilayshan 14:6, 7.

Laan Moa Bowt Dis

BAIBL STODI PROAGRAM

Wai Stodi di Baibl?

Di Baibl di help milyanz a peepl aal oava di werl fi fain di ansa tu di moas impoatant kweschan dehn eena laif. Yoo wuda waahn bee wan a dehn peepl deh?