Skip tu di aatikl

Skip tu lis a tapik

Wahn Plays Weh Wahn Prayz Gaad

Wahn Plays Weh Wahn Prayz Gaad
CHAYNJ VYOO

Dongload:

  1. 1. Jehoava, da yoo mek di hevnz,

    bot eevn di hevnz tu smaal,

    soh if dehn noh eevn big inof,

    humoch les disya plays wi bil.

    Wen aala wi kohn ya fi wership

    ahn prayz yu ahn waak eena lait,

    wee rijais fi noa wi aana yoo

    ahn wi jraa peepl tu yu said.

    (BRIJ)

    Evriting weh wi ga,

    evriting weh yu gi wi,

    wi di ton rong ahn giv it

    tankfuli bak tu yoo.

    (KOAROS)

    Wi tankful fi aal weh yu gi wi,

    wi prayz yu fi aal weh yu du.

    Wi mi waahn wahn plays fi wership yu,

    ahn yu mek datdeh jreem kohn chroo.

  2. 2. Jehoava, yu noa wi mi waahn dis,

    wahn plays fi bring aana tu yoo,

    ahn wahn plays weh wi ku wership yu

    ahn help adaz fi laan di chroot.

    Soh wi pray dat dis plays gi yu gloari,

    wi pray wi ku du aal di werk

    weh yu Son di gaid wi mek wi du

    soh yu Kingdom tek oava di ert.

    (BRIJ)

    Soh wi aafa wi bes,

    aal wi taim ahn wi talents.

    Evriting weh wi ga wi​—⁠

    aafa fi gi yu prayz.

    (KOAROS)

    Wi tankful fi aal weh yu gi wi,

    wi prayz yu fi aal weh yu du.

    Wi mi waahn wahn plays fi wership yu,

    ahn yu mek datdeh jreem kohn chroo.