Skip tu di aatikl

Skip tu lis a tapik

 SANG 66

Preech di Gud Nyooz

Pik Wahn Aadyo Rikaadin
Preech di Gud Nyooz
CHAYNJ VYOO

(Revilayshan 14:6, 7)

  1. 1. Fi lata yaaz di Kingdom chroot mi haid fahn wi,

    bot now di chroot bowt Krais wi King soh playn fi si.

    Jehoava shoa ih mersi an ih laayal lov,

    ih sari fi di hyooman rays ahn sen ih Son.

    Ahn now ih Son di rool da hevn pan ih chroan—

    di Lam a Gaad, di Prins a Pees, ahn di kaanastoan—

    ahn soon di braid weh Gaad pripyaa fi gi di Krais

    wahn marid tu di King a kingz ahn bee ih waif.

  2. 2. Jehoava Gaad anonks wahn lovin prafesi

    az soon az wee mi need ih help fi set wi free.

    Ahn joorin dehnya wikid dayz bifoa di en,

    Gaad laayal servants werk bisaid di aynjel dehn.

    Wi spred di Kingdom mesij kraas di lan an see,

    wi teech di peepl Baibl chroot weh ku set dehn free,

    wi help dehn noa di naym a Gaad ahn help dehn chooz

    fi kom ahn jain op lang wid wi ahn preech gud nyooz.