Skip tu di aatikl

Skip tu lis a tapik

 SANG 114

“Ga Payshens”

Pik Wahn Aadyo Rikaadin
“Ga Payshens”
CHAYNJ VYOO

(Jaymz 5:8)

  1. 1. Jehoava da di chroo Gaad;

    ih zelos bowt ih hoali naym.

    Hihn reeli di luk faawod

    tu wen ih free fahn aal di blaym.

    Bot hihn stay kaam ahn payshent

    an ih bayr op tu di laas.

    Bikaaz ih kay bowt peepl,

    ih wayt fi mek taim paas.

    Soh Gaad noh sloa ner taiyad,

    ih waahn mek aala wi geh sayv.

    Di payshens weh ih shoa wi

    wahn neva eva bee in vayn.

  2. 2. If wee laan fi shoa payshens,

    ih help wi liv wahn gaadli laif.

    Ih help wi kip wahn kaam haat

    ahn noh geh beks er kos er fait.

    Wee tek di taim fi noatis

    aal di gud weh peepl du.

    Ahn wen wi deel wid chraiyalz,

    wi kip di prapa vyoo.

    Jehoava hoali spirit

    ku help wi aalwayz fi bihayv

    jos laik wi Gaad da hevn

    hoo payshent wid wi evri day.