Skip tu di aatikl

Skip tu di ada menyoo

Skip tu lis a tapik

Jehoava Witnisiz

Bileez Kriol

Laif ahn Minischri Meetin Werkbuk  |  Maach 2017

 LIV YU LAIF AZ WAHN KRISTYAN

Hoo Di Du di Wil a Jehoava Tudeh?—How fi Yooz It

Hoo Di Du di Wil a Jehoava Tudeh?—How fi Yooz It

Yooz di broashoar Hoo Di Du di Wil a Jehoava Tudeh? fi diskos wid di Baibl styoodent dehn bifoa er afta eech stodi. * Lesn 1 tu 4 wahn help di styoodent dehn fi noa bowt wi az wahn peepl, lesn 5 tu 14 wahn help dehn fi laan bowt weh aal wi du, ahn lesn 15 tu 28 wahn shoa dehn how wi aaganaizayshan fongshan. Naamali di bes ting fi du da fi kansida di lesn dehn eena aada anles yu tink yu need fi diskos wahn sertn tapik weh di styoodent inchrestid eena fos. Eech lesn onli tek op wan payj ahn wid moas a di Baibl styoodent dehn ih wahn tek bowt faiv tu ten minits fi goh oava it.

  • Foakos atenshan pahn di kweschan weh da di taitl fi di lesn

  • Reed di lesn tugeda, eeda di hoal ting er sekshan bai sekshan

  • Diskos weh yu jos reed. Yooz di kweschan dehn da batam a di payj ahn di picha dehn tu. Figa owt wich skripchaz yu wahn reed ahn diskos. Shoa how di sobhedin dehn ansa di kweschan fi di taitl a di lesn

  • If wahn “Fain Owt Moa” baks deh, reed it tugeda ahn inkorij yu styoodent fi du weh ih sojes fi du

^ par. 3 Di broashoar weh deh onlain da di moas op-tu-dayt wan.