Skip tu di aatikl

Skip tu di ada menyoo

Skip tu lis a tapik

Jehoava Witnisiz

Bileez Kriol

Laif ahn Minischri Meetin Werkbuk  |  Joon 2017

 CHREZHAZ FAHN DI WERD A GAAD | JEREMIAH 51-52

Evriting Weh Jehoava Prafesai Kohn Chroo

Evriting Weh Jehoava Prafesai Kohn Chroo

Jehoava mi prafesai egzakli weh mi wahn hapm tu Babilan

Wahn soalja eena di raayal aami fahn Perzha

“Shaapm di aro dehn”

51:11, 28

  • Di Meedz ahn di Perzhan dehn mi gud wid dehn boa an aro. Dis da-mi dehn mayn wepan. Dehn yoostu shaapm dehn aro soh dat ih boar deep eena sohnbadi skin

“Di soalja dehn fahn Babilan stap fait”

51:30

  • Di Nabonaidos Kranikl seh dat “Sairos aami mi get eena Babilan widowt wahn batl.” Moa dan laikli dis meen dat dehn neva hafu fait dehn way een, ahn dis goh lang wid weh Jerimaiya mi prafesai

Di Nabonaidos Kranikl

“Babilan mi wahn bee wahn pail a stoan [ahn] nobadi wahn eva liv deh agen”

51:37, 62

  • Eena 539 B.C.E., Babilan mi staat fi looz ih gloari. Alegzanda di Grayt mi waahn mek Babilan bee ih kyapital siti, bot ih mi ded sodn-wan. Erli eena Kristyan taimz, wahn lee bit a Jooz mi stil liv deh ahn dats wai di apasl Peeta mi gaahn vizit Babilan. Bot 400 yaaz er soh afta Jeezas mi deh pan di ert, di siti mi ton wahn pail a stoan, ahn lee bit bai lee bit nobadi en op di liv deh

How Ah shuda feel bowt di Baibl prafesi dehn weh don kohn chroo?

 

Weh Ah ku teech ada peepl bowt dis prafesi?