Skip tu di aatikl

Skip tu lis a tapik

 LIV YU LAIF AZ WAHN KRISTYAN

Du Beta Eena di Minischri—Rait Gud Letaz

Du Beta Eena di Minischri—Rait Gud Letaz

WAI DIS IMPOATANT: Di buk a 1 Korintyanz da wan owta di 14 letaz weh di apasl Paal mi rait fi inkorij Kristyanz. Wahn persn weh rait wahn leta ku tek di taim fi reeli tink bowt weh ih waahn seh, ahn di persn weh geh di leta ku reed it oava an oava agen. Wahn gud way fi gi wahn witnis tu wi famili ahn frenz da chroo letaz. Aalso wi ku gi wahn gud witnis tu peepl weh wi kyaahn taak tu fays-tu-fays. Fi egzampl, sombadi hoo mi shoa inchres eena di Baibl bot ih jos haad fi fain dehn hoam. Den wi mait fain it haad fi taak tu som peepl eena wi teritori bikaaz dehn liv eena sohn apaatment er praivit naybahud weh ga lata sikyooriti, er adaz weh liv da sohn faar ayrya. Wat da sohn tingz weh wi need fi kip eena main, espeshali wen wi di rait tu sombadi weh wi noh noa?

HOW FI DU IT:

  • Rait weh yu wuda seh if di persn mi deh fronta yu. Intajoos yuself eena di biginin a di leta, ahn seh wai yu di rait dis leta. Den afta dat, aks wahn kweschan weh di persn ku tink bowt, ahn tel ahn bowt wi websait. Den tel ahn bowt di Online Bible Study Lessons, er bowt how wi du wahn Baibl stodi. Aalso yu ku tel ahn bowt som a di taitl dehn weh deh eena wan a wi poblikayshan weh wi yooz fi stodi di Baibl wid peepl. Yu ku inklood lichricha laik wahn kantak kyaad, wahn invitayshan, er wahn chrak eena di enviloap

  • Kip it shaat. Noh rait wahn lat, kaaz di persn mait geh taiyad di reed it.​—Si di sampl leta

  • Reed oava di leta fi chek fi eni mistayk, fi si if ih eezi fi reed, ahn fi mek ih song frenli, rispekful, ahn pazitiv. Mek shoar yu put inof stamp pahn di leta soh dat ih reech di persn