Skip tu di aatikl

Skip tu lis a tapik

 LIV YU LAIF AZ WAHN KRISTYAN

How Schrang Yu Fayt Eena Jehoava Pramis Dehn?

How Schrang Yu Fayt Eena Jehoava Pramis Dehn?

Jashwa ahn Salaman mi si fi dehnself dat evriting weh Jehoava mi pramis kohn chroo. (Jos 23:14; 1Ki 8:56) Weh dehnya too faytful man mi rait dong eena di Baibl ku help bil op fi wee fayt eevn schranga.—2Kor 13:1; Tai 1:2.

Da how Jehoava mi mek fi hihn pramis dehn kohn chroo eena Jashwa dayz? Lang wid yu famili, wach di veedyo weh naym ‘Not One Word Has Failed.’ Den ansa dehnya kweschan: (1) How wi ku fala Rayhab egzampl a fayt? (Heeb 11:31; Jay 2:24-26) (2) How Aykan egzampl shoa dat wen wi chooz fi noh obay wi get eena prablem? (3) Eevn doa di man dehn fahn Gibyan da-mi soalja, da wai dehn mi chrik Jashwa ahn mek pees wid Izrel? (4) How Jehoava werd mi kohn chroo wen faiv Amorait king mi chretn Izrel? (Jos 10:5-14) (5) Weh Jehoava du fi yoo aredi, sayka weh yu put fi hihn wil an ih Kingdom fos eena yu laif?—Mach 6:33.

Wen wi tink bak pahn weh Jehoava don du, di du, ahn weh ih wahn du, wi fayt eena ih pramis dehn wahn geh schranga.—Roam 8:31, 32.

Yoo ga fayt laik Jashwa?