Skip tu di aatikl

Skip tu lis a tapik

 LIV YU LAIF AZ WAHN KRISTYAN

Payrents, Pripyaa Yu Chiljren fi Ga Sokses

Payrents, Pripyaa Yu Chiljren fi Ga Sokses

Payrents weh serv Jehoava reeli waahn si dehn chiljren chooz fi serv Jehoava tu. Payrents ku help dehn chiljren fi du dat wen dehn tek di taim fi teech dehn Baibl chroot fahn dehn yong. (De 6:7; Pr 22:6) Dis noh eezi! Bot Jehoava wahn bles dehn haad werk.—3Jan 4.

Payrents ku laan wahn lat fahn Joazef ahn Mayri. Dehn “yoostu goh da Jeroosalem fi selibrayt di Paasoava” evri yaa, eevn doa dis mi tek lata werk ahn kaas lata moni. (Lk 2:41) Ih klyaa fi si dat dehn mi put di spirichwal needz a dehn famili fos. Jos laik dat, wen payrents tek evri apachooniti fi teech dehn chiljren ahn set wahn gud egzampl, dis wahn gaid dehn chiljren eena di rait dairekshan.—Ps 127:3-5.

WACH DI VEEDYO DEHN MEK GUD YOOS A EVRI APACHOONITI, AHN DEN ANSA DEHNYA KWESCHAN:

  • How Jon ahn Sharon Schiller put di Kingdom fos ahn sayhn taim rayz wahn famili?

  • Wai payrents fi disiplin dehn chiljren akaadn tu weh eech wan a dehn need?

  • How payrents ku pripyaa dehn chiljren fi stay faytful wen dehn di goh chroo chraiyalz?

  • Wat da sohn toolz fahn Jehoava aaganaizayshan weh yu yooz fi help yu chiljren groa eena wahn spirichwal way?

Mek wership tu Jehoava bee di moas impoatant ting eena yu famili