Skip tu di aatikl

Skip tu lis a tapik

 LIV YU LAIF AZ WAHN KRISTYAN

Du Beta Eena di Minischri—Yooz Gud Kweschanz

Du Beta Eena di Minischri—Yooz Gud Kweschanz

WAI DIS IMPOATANT: If “weh wahn man tink eena ih haat da laik deep waata,” den kweschanz da laik wahn bokit fi jraa it owt. (Pr 20:5) Wi inkorij peepl fi tek paat eena di kanvasayshan wen wi aks dehn kweschanz. Wen dehn ansa, wi geh fi noa weh reeli deh eena dehn haat. Jeezas mi yooz gud kweschanz. How wee ku fala fi hihn egzampl?

HOW FI DU IT:

  • Aks kweschanz weh wahn get dehn fi tink. Jeezas mi aks lata kweschan fi fain owt wat ih disaipl dehn mi tink bowt sohnting. (Mach 16:13-16; be-E 238 ¶3-5) Wat da sohn kweschan yoo ku aks sohnbadi fi get dehn fi tink?

  • Aks kweschanz weh leed tu di karek ansa. Fi karek di way Peeta mi-di tink, Jeezas mi aks ahn kweschanz ahn gi ahn sohn sojeshan fi leed ahn tu di karek ansa. (Mach 17:24-26) Wat da sohn kweschan yoo ku aks fi leed wahn persn tu di rait ansa?

  • Komen di persn. Wen wahn teecha a di laa “ansa mi mek sens,” Jeezas mi komen ahn. (Maak 12:34) How yoo kuda komen sohnbadi wen dehn ansa wahn kweschan?

WACH DI FOS PAAT A DI VEEDYO DU DI WERK WEH JEEZAS MI DU—TEECH PEEPL, AHN DEN ANSA DEHNYA KWESCHAN:

  • Wai dis way a teechin noh gud, eevn doa di infamayshan karek?

  • Wai wi haftu du moa dan jos eksplayn di infamayshan?

WACH DI SEKANT PAAT A DI VEEDYO, AHN DEN ANSA DEHNYA KWESCHAN:

  • How dis breda mi yooz gud kweschanz?

  • Wat da sohn ada wayz a fi hihn teechin wee ku kapi?

How di way wi teech ku afek ada peepl? (Look 24:32)