Skip tu di aatikl

Skip tu lis a tapik

 LIV YU LAIF AZ WAHN KRISTYAN

“Aana Unu Ma ahn Unu Pa”

“Aana Unu Ma ahn Unu Pa”

Wen Jeezas mi deh pahn di ert, hihn mi shoa dat di koman fi “aana unu ma ahn unu pa” impoatant. (Ex 20:12; Mach 15:4) Jeezas kuda mi inkorij adaz fi du dis bikaa az wahn yong persn hihn mi “obeedyant” tu fi hihn payrents. (Look 2:51) Wen ih mi geh oalda, hihn mi mek shoar dat sombadi mi wahn tek kayr a ih ma afta ih ded.—Jan 19:26, 27.

Tudeh, yong peepl shoa aana tu dehn payrents wen dehn obay ahn taak tu dehn wid rispek. Akchwali, di koman fi aana wi payrents da sohnting wi fi aalwayz du. Eevn wen wi payrents geh oal, wi fi kantinyu shoa dehn aana wen wi luk tu dehn fi advais. (Pr 23:22) Ahn wen dehn geh oal wi ku aalso shoa dehn aana wen wi tek kayr a dehn imoashanal ahn mateeryal needz. (1Ti 5:8) Weda wi payrents yong er oal, wahn impoatant way fi aana dehn da fi aalwayz ga gud kamyoonikayshan wid dehn.

LUK PAHN DI VEEDYO HOW AH KU TAAK TU MI PAYRENTS? AHN DEN ANSA DEHNYA KWESCHAN:

  • Wai yu wuda fain it haad fi taak tu yu payrents?

  • How yu ku aana yu payrents wen yu di taak tu dehn?

  • Wai ih impoatant fi chrai yu bes fi taak tu yu payrents? (Pr 15:22)

    Wen yu taak tu yu payrents ih ku help yu fi ga sokses eena laif