Skip tu di aatikl

Skip tu lis a tapik

 LIV YU LAIF AZ WAHN KRISTYAN

Sing Owt tu Jehoava Wid Aala Yu Haat

Sing Owt tu Jehoava Wid Aala Yu Haat

Paal ahn Sailas mi prayz Jehoava wid sang wail dehn mi deh da prizn. (Aks 16:25) Fi shoar dat mi schrentn dehn fi noh giv op. How bowt wee tudeh? Di sang dehn weh wi yooz fi wership Jehoava ahn di orijinal sang dehn ku inkorij wi ahn help wi fi stay faytful wen wi di goh chroo chraiyalz. Pahn tap a dat, di werdz a di sang dehn prayz Jehoava. (Ps 28:7) Di Govanin Badi don inkorij wi fi laan di werdz a som a di sang dehn bai haat. Unu di chrai du dat? Wi ku praktis di sang dehn ahn laan di werdz joorin famili wership.

WACH DI VEEDYO CHILJREN SING FI PRAYZ JEHOAVA, AHN DEN ANSA DEHNYA KWESCHANZ:

  • Weh benifit wi get wen wi sing di Kingdom sang dehn?

  • How di Aadyo ahn Veedyo Dipaatment dehn pripyaa fi rikaad wahn sang?

  • Eena weh way di pikni ahn dehn famili ku pripyaa fi wahn rikaadn seshan?

  • Weh da yu fayvrit Kingdom sang dehn, ahn wai?