Skip tu di aatikl

Skip tu lis a tapik

 LIV YU LAIF AZ WAHN KRISTYAN

Du Beta Eena di Minischri—Chrai Reech Evribadi Eena Wi Teritori

Du Beta Eena di Minischri—Chrai Reech Evribadi Eena Wi Teritori

WAI DIS IMPOATANT: Zakaraiya mi prafesai dat peepl owta aala di nayshan, noh mata dehn langwij, mi wahn rispan eena wahn pazitiv way tu di gud nyooz. (Zec 8:23) Bot da hoo wahn teech dehn? (Roam 10:13-15) Wi ga di privilij ahn di rispansabiliti fi shayr di gud nyooz wid evribadi eena wi teritori.—od-E 84 ¶10-11.

HOW FI DU IT:

  • Pripyaa gud. Yu eva meet sohnbadi weh taak wahn nada langwij? Yu ku yooz di JW Language ap fi laan wahn eezi prezentayshan. Er yu ku yooz yu sel foan er tablet fi shoa di persn how ih ku fain moa infamayshan eena ih oan langwij pahn jw.org

  • Pay atenshan. If yu di preech fahn hows tu hows, noh mek wahn apachooniti fi preech paas yu. Taak tu peepl weh di waak paas er di wayt eena dehn kaar. If yu di du poblik witnisin, stay foakos pahn yu goal, weh da fi giv wahn witnis

  • Werk haad. Kip di chrai reech dehn wan weh neva deh hoam di fos taim yu mi gaan da dehn hows. Chrai yu bes fi kantak sohnbadi da evri hows. Maybi yu ku goh wahn difrent taim er wahn difrent day a di week. Yu ku chrai kantak som chroo wahn leta, schreet werk, er chroo wahn foan kaal

  • Du ritern vizit. Goh bak kwik fi fala op pahn dehn wan weh shoa inchres. If di persn taak wahn difrent langwij, chrai fi fain sohnbadi weh ku help ahn eena ih oan langwij. Kip di kaal pahn di persn til wahn poblisha weh taak ih langwij kantak ahn.—od-E 94 ¶39-40

WACH DI VEEDYO PREECH “AAL OAVA DI WERL,” AHN DEN ANSA DEHNYA KWESCHAN:

  • How di bradaz ahn sistaz mi pripyaa fi kantak peepl eena wahn teritori weh deh faar? (1Kor 9:22, 23)

  • Wat da sohn chalenj weh dehn mi hafu deel wid?

  • Wat da sohn blesin dehn mi injai?

  • Weh yoo ku du fi chrai kantak moa peepl eena yu teritori?